Sunday 27 September 2020
Home      All news      Contact us      RSS      English
tert.am - 2 month ago

Ախալքալաքում երեկ տեղի ունեցած սպանության կասկածանքով 27 ֊ամյա հայ երիտասարդ է ձերբակալվել. Վրաստանի ՆԳՆ

Վրաստանի ներքին գործերի նախարարության Սամցխե-Ջավախեթիի ոստիկանության բաժնում հետաքննություն է իրականացվում Ախալքալաքում գրանցված դեպքերի վերաբերյալ՝ կանխամտածված սպանության, զենքի ապօրինի ձեռքբերում և զանգվածային անկարգություններ, ուրիշի սեփականության ոչնչացում, գույքի վնասում։ Այս մասին Tert.am -ը տեղեկանում է Վրաստանի ներքին գործերի նախարարությունից։ Նախարարությունից հայտնում են,որ իրականացրած օպերատիվ-հետախուզական միջոցառումների արդյունքում 1983 թվականին ծնված քաղաքացի Ա.Գ.-ն ձերբակալվել է կանխամտածված սպանության և զենքի ապօրինի ձեռքբերման կասկածանքով։ Հետաքննությամբ պարզվել է, որ Ա.Գ.-ն, վեճի ժամանակ հրազենից մահացու վիրավորում է հասցրել 1993 թ. ծնված Վ.Մ.-ին: Հանցագործության գործիք զենքն առգրավված է։ Քրեական գործը հարուցված է Վրաստանի ՔՕ 108-րդ և 236-րդ հոդվածների հատկանիշներով։ Հիշեցնենք,որ Tert.am-ը երեկ հայտնել էր,որ սպանություն է տեղի ունեցել, վեճը ծագել է Դիլիսկա գյուղի Գաբրիելյանի ընտանիքի և Կուլիկամ գյուղի Մարաբյան ընտանիքի միջև։ Ձերբակալվածը Սամվել Գաբրիելյանի որդիներից մեկն է։


Latest News
Hashtags:   

Ախալքալաքում

 | 

ունեցած

 | 

սպանության

 | 

կասկածանքով

 | 

֊ամյա

 | 

երիտասարդ

 | 

ձերբակալվել

 | 

Վրաստանի

 | 

Sources