Sunday 20 September 2020
Home      All news      Contact us      English
azatutyun - 2 month ago

ԱԳՆ. Նախնական տեղեկությամբ Բեյրութում պայթյունի հետևանքով մեկ հայ է զոհվել

Լիբանանի մայրաքաղաք Բեյրութում տեղի ունեցած պայթյունի հետևանքով զոհերի թվում, նախնական տեղեկությամբ, ազգությամբ հայ մեկ քաղաքացի կա: Այս մասին իր ֆեյսբուքյան էջում գրել է Հայաստանի արտաքին գործերի նախարարության խոսնակ Աննա Նաղդալյանը: Նա նշել է, որ Լիբանանում ՀՀ դեսպանությունը կապի մեջ է Լիբանանի պատկան մարմինների և տեղի համայնքային կառույցների ղեկավարների հետ: «Հայահոծ թաղամասերում, ինչպես ողջ Բեյրութում, ավերածությունները զգալի են։ Այս պահի դրությամբ նախնական տեղեկություն կա ազգությամբ մեկ հայի մահվան և մի քանիսի՝ տարբեր աստիճանի վնասվածքներ ունենալու մասին՝ հիմնականում տներում՝ ապակիների փշրվելուց», - հայտնում է խոսնակը։ Նույն աղբյուրի փոխանցմամբ պայթյունից մասնակիորեն վնասվել է նաև Լիբանանում Հայաստանի դեսպանության շենքը: Հնարավոր զոհերի, վիրավորների և պայթյունի պատճառած ավերածությունների վերաբերյալ տվյալները ճշտվում են: Այսօր ուժեղ պայթյուն է որոտացել Բեյրութում նավահանգստի տարածքում։ Ըստ լրատվամիջոցների նախնական տեղեկությունների առնվազն 10 զոհ կա:


Latest News
Hashtags:   

Նախնական

 | 

տեղեկությամբ

 | 

Բեյրութում

 | 

պայթյունի

 | 

հետևանքով

 | 

զոհվել

 | 

Sources