Sunday 27 September 2020
Home      All news      Contact us      RSS      English
tert.am - 2 month ago

«Վեոլիա ջուրը», ըստ շինուհայրցիների, 6 ժամվա փոխարեն օրական 2 ժամ է ջրամատակարարում իրականացնում, գյուղի օգտագործած ջրի դիմաց էլ գյուղապետը վճարում է համայնքի բյուջեից

Սյունիքի մարզի Շինուհայր համայնքի բնակիչներին համայնքում ջուր տրամադրում են օրական մեկ կամ 2 ժամ, այնինչ, Վելոլիա ջուր ընկերությունը պայմանագիր է կնքել, որ համայնքում բաժանորդներն օրական 6 ժամ ջրամատակարարում պետք է ունենան: Tert.am-ի հետ զրույցում Շինուհայր համայնքի բնակիչ Վարդուհի Ստեփանյանը նշեց, որ կար ժամանակ, երբ ջրի խողովակից ջրի հետ միջատներ էին գալիս: 93 տարեկան եմ, քայլել չեմ կարողանում, ո՞ւմ գնամ ասեմ ինձ մի բաժակ ջուր տվեք խմեմ ,- ասաց նա։ Քաղաքացին նշեց, որ շատերից էլ ջրի նախկին պարտք են գանձել այն դեպքում, երբ բնակիչները ծախսած ջրի դիմաց վճարել են բնամթերքով: Մեկը կարտոֆիլ է տվել, մյուսը լոբի, ես էլ օղիով եմ վճարել պարտքը: Անդորրագիրն էլ վերցրել եմ: Գյուղի կեսը ոռոգման ջուր ունի, իսկ մյուս կեսը չէ : Օրական մեկ ժամ ջրով ես բերք մշակե՞մ, թե՞ խմելու համար հավաքեմ: Հետո էլ ասում են Սյունիքի ամենախոշոր համայնքն է, տուրիստական կենտրոն, տուրիստին ի՞նչ տամ խմի, տուն եկողիս ասում եմ, որ ջուր բերեն ,-ասաց Վարդուհի Ստեփանյանը: Նա ասաց նաև, որ շաբաթական մեկ անգամ ջուրը լինում է գիշերվա 12-ից մինչև առավոտյան 7-ը։ Գիշերը որ տալիս են ես ոնց դա հավաքեմ, հո գիշերը արթուն չե՞նք մնալու տեսնենք՝ ջուր տվեցին, թե ոչ: Ջրի պահա՞կ նստենք ,- ասաց Վարդուհի Ստեփանյանը։ Շինուհայր խոշորացված համայնքի ղեկավար Մուրադ Սիմոնյանն էլ ասաց, որ հարևան Խոտ և Հալիձոր բնակավայրերում 24 ժամյա ջրամատակարարում կա, քանի որ դրանք փոքր համայնքներ են և կարողանում են աշխատանքը հեշտ կազմակերպել։ Բացի այդ, նա տեղեկացրեց, որ Վելիա ջուր ընկերությունը պայմանագրով ստանձնած պարտավորությունները չի կատարում։ Ես համայնքապետարանի բյուջեից տարեկան ավելի քան 5 մլն դրամ եմ տրամադրում, որպեսզի Շինուհայրում օրական մեկ կամ 2 ժամ ջուր լինի, եթե վաղը մյուս օրը ստուգեն համայնքապետարանի բյուջեն, կարող են ինձ մեղադրել գումարը յուրացնելու համար, համայնքի բյուջեից եմ վճարում նաև 2 աշխատակցի աշխատավարձ, բայց այդ գործառույթները պիտի Վեոլիան իրականացներ ,- ասաց համայնքի ղեկավարը։ Գյուղացիները հայտնեցին, որ բազմիցս զանգել են Վեոլիա ջուր ընկերություն, դժգոհել են, խնդրել են, որ ապահովեն ջրով, սակայն ապարդյուն։ Նրանց խոսքով՝ մի քանի օր զանգում են հետաքրքրվում են, թե երբ են ջուր ունեցել ու ինչքան ժամանակով և կրկին խնդիրը մնում է օդից կախված։ Շինուհայրցիները նշեցին նաև, որ պատրաստվում են դատական գործ սկսել Վեոլիա ջուր ՓԲԸ-ի դեմ՝ պայմանագրով ստանձնած պարտավորությունները չկատարելու համար։


Latest News
Hashtags:   

Վեոլիա

 | 

ջուրը

 | 

շինուհայրցիների

 | 

ժամվա

 | 

փոխարեն

 | 

օրական

 | 

ջրամատակարարում

 | 

իրականացնում

 | 

գյուղի

 | 

օգտագործած

 | 

դիմաց

 | 

գյուղապետը

 | 

վճարում

 | 

համայնքի

 | 

բյուջեից

 | 

Sources