Sunday 27 September 2020
Home      All news      Contact us      RSS      English
tert.am - 2 month ago

Մաշտոցի պուրակի կեսը քաղաքապետի մի գրչի հարվածով ուղղակի ոչնչացվեց․ Արմեն Բեգոյան (տեսանյութ)

Կանաչապատում և շրջակա միջավայրի պահպանություն ՀՈԱԿ-ի նախկին տնօրեն Արմեն Բեգոյանը ֆեյսբուքյան իր էջում տեսանյութ է հրապարակել Մաշտոցի պուրակից, որտեղ կրկին ցուցադրում է հատված ծառերը։ Նա նշեց, որ ծառերը կտրել են և ցուցադրեց, թե Սոսին ինչ վիճակում է։ Կարող ենք ասել, որ այս այգու կեսը քաղաքապետի մի գրչի հարվածով ուղղակի ոչնչացվեց ,-ասաց նա և հիշեցրեց, որսա հենց այգին է, որ Տարոն Մարգարյանի օրոք ցանկանում էին կրպակներ կառուցել։ Կորուստն անդառնալի է։ Իսկ այն պնդումներին, որ այստեղ ծառեր կտնկեն, կամ ոմանք ասում են, որ Երևանում քաղաքապետարանը ծառեր է տնկում, ապա ասեմ, որ ծառ պարտավոր են տնկել, սակայն այգու կեսը ոչնչացնելը, բետոնապատելը, սրան դուք դրեք անուն ,-ասաց նա։ Հիշեցնենք, որ ավելի վաղ նա ևս բարձրաձայնել էր խնդրի մասին, լուսանկարներ հրապարակել Մաշտոցի պուրակից, որտեղ հաստաբուն ծառեր են հատվել: Այցի շրջանակներում մեր կողմից կանգնեցվեց շինարարությունը, մասնագետների պահանջով հողով ծածկվեցին բացված և արդեն վնասված ծառարմատները, կատարվեցին մասնագիտական գործողություններ ծառերը փրկելու համար։ Եվ հիմա ի՞նչ, նորից կտրում են ,-նշել էր նա։ Հարցին անդրադարձնել էր նաև Երևանի ավագանու Լույս խմբակցության անդամ Անի Խաչատրյանը և նշել, որ Մաշտոցի պուրակի ծառահատման շուրջ բարձրացված աղմուկի համար զանգեր է ստանում և ներկայացրել մանրամասներ։


Latest News
Hashtags:   

Մաշտոցի

 | 

պուրակի

 | 

քաղաքապետի

 | 

հարվածով

 | 

ուղղակի

 | 

ոչնչացվեց․

 | 

Արմեն

 | 

Բեգոյան

 | 

տեսանյութ

 | 

Sources