Tuesday 22 September 2020
Home      All news      Contact us      English
tert.am - 2 month ago

Թրամփը հայտնել է, որ չի ցանկանում տեղափոխել նոյեմբերին սպասվող նախագահական ընտրությունները

ԱՄՆ նախագահ Դոնալդ Թրամփը հինգշաբթի հայտնել է, որ ցանկություն չունի տեղափոխել նոյեմբերին երկրում սպասվող նախագահական ընտրությունները: Այս մասին հայտնում է ТАСС-ը: Սպիտակ տանը լրագրողների հետ ճեպազրույցի ժամանակ Թրամփը կրկին քննադատության է ենթարկել փոստով քվեարկությունն իրականացնելը. Ես ուղղակի զգում եմ, որ չեմ ցանկանում ընտրությունների տեղափոխում: Ես ցանկանում եմ, որ ընտրություններն անցկացվեն նոյեմբերին, միևնույն ժամանակ ես չեմ ուզում 3 ամիս սպասել դրանց արդյունքներին, իսկ հետ իմանալ, որ փոստով ուղարկված թերթիկները կորել են, իսկ ընտրությունները ոչինչ չեն նշանակում: Ահա, թե ինչ տեղի կունենա փոստով փոստով քվեարկելու դեպքում: Սա առողջ դատողություն է ,- պարզաբանել է նախագահը: Ավելի վաղ հաղորդվել էր, որ ԱՄՆ նախագահ Դոնալդ Թրամփն առաջարկել էր կորոնավիրուսի համաճարակի պատճառով հետաձգել 2020 թվականի նոյեմբերի 3-ին կայանալիք նախագահական ընտրությունները։ Համընդհանուր փոստային քվեարկության պատճառով 2020 թվականը պատմության մեջ կդառնա ամենաանարժանահավատ ու անազնիվ տարին։ Դա մեծ խայտառակություն կլինի ԱՄՆ-ի համար։ Պետք է հետաձգել ընտրությունները, մինչև մարդիկ կարողանան ճիշտ, ապահով և անվտանգ քվեարկել ,-Twitter-ում գրել էր Թրամփը։ Նշենք, որ ԱՄՆ-ում նախագահական ընտրությունները նախատեսված է անցկացնել 2020 թվականի նոյեմբերի 3-ին։ Ավելի ուշ Թրամփի նախընտրական շտաբը պնդել է, որ ընտրությունների հետաձգման մասին վերջինիս գրառումը հռետորական է եղել:


Latest News
Hashtags:   

Թրամփը

 | 

հայտնել

 | 

ցանկանում

 | 

տեղափոխել

 | 

նոյեմբերին

 | 

սպասվող

 | 

նախագահական

 | 

ընտրությունները

 | 

Sources