Tuesday 22 September 2020
Home      All news      Contact us      English
tert.am - 2 month ago

ԱՄՆ-ում դեմոկրատ կոնգրեսականները նախագահական ընտրությունների տեղափոխման դեմ բանաձև են ներկայացրել

ԱՄՆ Կոնգրեսի դեմոկրատ օրենսդիրների խումբը նոր բանաձև է ներկայացրել, որով դատապարտում է նոյեմբերին նախատեսված նախագահական ընտրությունների անցկացման ամսաթիվը փոխելու գաղափարը: Այս մասին հինգշաբթի հայտնել է The Daily Beast-ը: ТАСС-ի հաղորդմամբ՝ նախաձեռնության հեղինակները կոնգրեսականներ Րաջա Քրիշնամուրտին, Ջիմ Կուպերը և Էլսի Հեյսթինգսն են: Փաստաթղթում նշվում է, որ երկրում նախագահական ընտրությունները պետք է անցկացվեն նոյեմբերի 3-ին, ինչպես և ծրագրվել էր: Բացի դա, բանաձևով դատապարտվում են իշխանություն ունեցող անձանց բոլոր փորձերը, որոնք միտված են ամերիկյան դեմոկրատական ինստիտները թուլացնելուն : Ավելի վաղ հաղորդվել էր, որ ԱՄՆ նախագահ Դոնալդ Թրամփն առաջարկել էր կորոնավիրուսի համաճարակի պատճառով հետաձգել 2020 թվականի նոյեմբերի 3-ին կայանալիք նախագահական ընտրությունները։ Համընդհանուր փոստային քվեարկության պատճառով 2020 թվականը պատմության մեջ կդառնա ամենաանարժանահավատ ու անազնիվ տարին։ Դա մեծ խայտառակություն կլինի ԱՄՆ-ի համար։ Պետք է հետաձգել ընտրությունները, մինչև մարդիկ կարողանան ճիշտ, ապահով և անվտանգ քվեարկել ,-Twitter-ում գրել էր Թրամփը։ Նշենք, որ ԱՄՆ-ում նախագահական ընտրությունները նախատեսված է անցկացնել 2020 թվականի նոյեմբերի 3-ին։ Ավելի ուշ Թրամփի նախընտրական շտաբը պնդել է, որ ընտրությունների հետաձգման մասին վերջինիս գրառումը հռետորական է եղել:


Latest News
Hashtags:   

դեմոկրատ

 | 

կոնգրեսականները

 | 

նախագահական

 | 

ընտրությունների

 | 

տեղափոխման

 | 

բանաձև

 | 

ներկայացրել

 | 

Sources