Thursday 6 August 2020
Home      All news      Contact us      English
azatutyun - 24 days ago

Հրայր Թովմասյանը և ՍԴ երեք նախկին դատավորները հիմնական գանգատը ՄԻԵԴ կներկայացնեն մինչև օգոստոսի 28-ը

Սահմանադրական դատարանի նախկին նախագահ Հրայր Թովմասյանը և երեք նախկին դատավորները իրենց խախտված իրավունքների վերաբերյալ հիմնական գանգատը Մարդու իրավունքների եվրոպական դատարան (ՄԻԵԴ) ներկայացնելու են մինչև օգոստոսի 28-ը: «ՄԻԵԴ-ի պրակտիկայում ընդունված է. եթե դա շտապ է, մինչև հիմնական դիմումը ներկայացնելը կարելի է ներկայացնել միջանկյալ միջոցը կիրառելու դիմում: Որից հետո, եթե բավարարվում կամ չի բավարարվում, դու ժամանակ ունես քո հիմնական դիմումը ներկայացնելու: Հիմա մեզ մինչև օգոստոսի 28-ը ժամկետ է տրվել, որ էդ հիմնական դիմումը արդեն ներկայացնենք», - «Ազատության» հետ զրույցում ասաց Ալվինա Գյուլումյանը: Եվրոպական դատարան նրանք միջնորդություն էին ներկայացրել պահանջելով սառեցնել սահմանադրական փոփոխությունները մինչև իրենց խախտված իրավունքների վերաբերյալ դիմումի քննության ավարտը: Սակայն Եվրոպական դատարանն օրեր առաջ մերժել էր այս պահանջը: Այս որոշման հրապարակմանը հաջորդել էր «Գյուլումյանը և մյուսները ընդդեմ Հայաստանի» գործով ՄԻԵԴ-ում ներկայացուցիչՍիրանույշ Սահակյանի հայտարարությունը, թե դիմումի քննությունը սկսվել է, շարունակվում է, և դատարանը կողմերին ժամկետ է տվել դիրքորոշում ու փաստաթղթեր ներկայացնելու համար, և այդ ժամկետը մինչև օգոստոսի 28-ն է: Այնինչ այդ ժամկետում հիմնական գանգատն են ներկայացնելու: «Մինչև օգոստոսի 28-ը: Ես չեմ կարող ասել կոնկրետ որ օրը կներկայացնենք, որովհետև դա լուրջ փաստաթուղթ է, պետք է պատրաստվի: Առավել մանրամասն հիմնավորումներով, հոդվածներով, կներկայացնենք», - ասաց Գյուլումյանը: Սահմանադրական փոփոխություններով հունիսի 26-ից դադարել են Հրայր Թովմասյանի, Ալվինա Գյուլումյանի, Ֆելիքս Թոխյանի և Հրանտ Նազարյանի լիազորությունները: Հրայր Թովմասյանը զրկվել է միայն ՍԴ նախագահի պաշտոնից, նա շարունակում է պաշտոնավարել որպես դատավոր: Իսկ մյուսներն ազատվել են դատավորի պաշտոններից: Սահմանադրական փոփոխություններով դադարել են այն դատավորների լիազորությունները, որոնց ընդհանուր պաշտոնավարման 12 տարին լրացել է: Ալվինա Գյուլումյանը պնդում է, որ իր դեպքում 12 տարվա ժամկետը չի լրացել, քանի որ 2014 թվականին է նշանակվել, և չպետք է գումարին նախկին ժամկետում աշխատած տարիները: Ալվինա Գյուլումյանը, Ֆելիքս Թոխյանը և Հրանտ Նազարյանը ավելի վաղ հայտարարել էին, որ իրենց լիազորությունները դադարեցվել են խախտումներով, որոնց հետքերով մինչև Եվրոպական դատարան հասնելու են:


Latest News
Hashtags:   

Հրայր

 | 

Թովմասյանը

 | 

նախկին

 | 

դատավորները

 | 

հիմնական

 | 

գանգատը

 | 

կներկայացնեն

 | 

մինչև

 | 

օգոստոսի

 | 
Most Popular (6 hours)

Most Popular (24 hours)

Most Popular (a week)

Sources