Sunday 9 August 2020
Home      All news      Contact us      English
tert.am - 27 days ago

Լավրովը Երևանին և Բաքվին կոչ է արել անհապաղ դադարեցնել կրակն ու զսպվածություն դրսևորել

ՌԴ արտգործնախարար Սերգեյ Լավրովը կոչ է արել անհապաղ դադարեցնել կրակը հայ-ադրբեջանական սահմանին և զսպվածություն դրսևորել: Այս մասին ասվում է ՌԴ ԱԳՆ կայքում: Հուլիսի 13-ին Սերգեյ Լավրովը հեռախոսազրույցներ է ունեցել Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հետ: Քննարկվել է հայ-ադրբեջանական սահմանին տիրող իրավիճակի սրումը: Լավրովը կոչ է արել կողմերին անհապաղ դադարեցնել կրակը, զսպվածություն դրսևորել՝ հաշվի առնելով ստանձնած պարտավորությունները, ինչպես նաև Ռուսաստանի, ԱՄՆ-ի և Ֆրանսիայի ներկայացուցիչների՝ որպես ԵԱՀԿ Մինսկի խմբի համանախագահների և ԵԱՀԿ գործող նախագահի անձնական ներկայացուցչի առաջարկները ,- ասվում է գերատեսչության հայտարարության մեջ: Ընդգծվում է նաև, որ Ռուսաստանը շարունակում է կատարել իր միջնորդական առաքելությունը Բաքվի և Երևանի հետ շփումներում՝ ինչպես իր ազգային կարողությունների սահմաններում, այնպես էլ Մինսկի խմբի համանախագահության շրջականում: Ռուսական կողմն ընդգծել է այն հանգամանքի կարևորությունը, որ Մինսկի խմբի անդամները պատասխանատու մոտեցում դրսևորեն ստեղծված իրավիճակին գնահատական տալիս և խուսափեն այնպիսի գործողություններից և հայտարարություններից, որոնք կարող են լարվածության հավելյալ աճ հրահրել ,- ասվում է ՌԴ ԱԳՆ մեկնաբանության մեջ: Հիշեցնենք, որ ՌԴ ԱԳՆ-ն ավելի վաղ անհանգստություն էր հայտնել հայ-ադրբեջանական սահմանին տիրող իրավիճակի կապակցությամբ և պատրաստակամություն հայտնել անհրաժեշտ օգնություն տրամադրել իրավիճակի կայունացման համար:


Latest News
Hashtags:   

Լավրովը

 | 

Երևանին

 | 

Բաքվին

 | 

անհապաղ

 | 

դադարեցնել

 | 

կրակն

 | 

զսպվածություն

 | 

դրսևորել

 | 
Most Popular (6 hours)

Most Popular (24 hours)

Most Popular (a week)

Sources