Sunday 9 August 2020
Home      All news      Contact us      English
tert.am - 27 days ago

Օրեցoր դժգոհություններն ավելանում են, ժողովրդի մեջ կարծիք կա, որ արտակարգ դրությունը չպետք է երկարացվի, սահմանափակումներն այլ ձև պետք է կիրակվեն. Էդմոն Մարուքյան

5-րդ անգամ մենք ունենալու ենք արտակարգ դրություն, ակնհայտ է, որ իրավիճակը լավ չի կառավարվել, որի արդյունքում ունենք այն, ինչ ունենք: Այս մասին ԱԺ հատուկ նիստին իր ելույթում հայտարարեց Լուսավոր Հայաստան խմբակցության ղեկավար Էդմոն Մարուքյանը: Նա նշեց, որ երբ առաջին անգամ արտակարգ դրություն հայտարարվեց կար իմաստ, կար սահմանափակում, կարանտին, որի ժամանակ պետք էր համապատասխան միջոցներ ձեռնարկել, մարդկանց ֆինանսավորել, աջակցել սոցիալական առումով, որ նրանք դուրս չգային և ամենայն խստութամբ կարողանայինք պահպանել արտակարգ դրության ռեժիմը, որի արդյունքում էլ կկարողանայինք շատ արագ դուրս գալ այս վիճակից: Պետք է մարդկանց փող տայինք, որ տանը մնային, չտվեցինք, բացեցինք, որ չտանք և ունենք այն, ինչ այսօր ունենք: Այստեղ հարց է առաջանում՝ այս սահմանափակումները, որոնք հիմա կան, արդյո՞ք հնարավոր չէ պահպանել առանց արտակարգ դրության ռեժիմի: Տնտեսությունը, ըստ էության, բաց է որի արդյունքում ռեստորանային համակարգն անընդհատ բողոքի ակցիաներ է անում, դրան գումարվում է արտագնա աշխատողների խնդիրները, տուրիստական սկետորի տապալումը, և այս առումով մենք չեն տեսնում, որ կառավարությունն իրավիճակը կառավարում է, որ լուծումներ է ցույց տալիս, խնդիրներ է լուծում ,- ասաց նա: Մարուքյանն անդրադարձավ ոստիկանական գործողություններին: Այն ինչ մենք տեսնում ենք, իրապես անհամաչափ է, անտրամաբանական որոշումների կիրարկում է: Բաց տարածքում, բնության գրկում մարդուն գնում, դիմակ չկրելու համար տուգանում են, տրամաբանություն չկա, սա բացի դժգոհությունից ուրիշ բան չի առաջացնում: Սա ոչ մի բանին օգուտ չէ, ուղղակի մարդկանց աչքից ընկնում է արտակարգ դրությունն էլ, էն էլ, էն էլ: Ուզում եմ կոչ անել, որ ոստիկանությունը սահամանփակումների կիրարկման հետ կապված հնարավորինս տրամաբանության սահմաններ վերադառնա ,- ասաց նա և հավելեց. Բացի այդ, կառավարության առջև, այլ վայրերում մեկ մարդու իրականացրած ակցիան դառնում է մեկ օրվա մեծ լուսաբանման թեմա, որովհետև այդ մեկ մարդուն բերման են ենթարկում, ինչի՞ համար: Եթե բերման չենթարկեն մի 30-40 մարդ մոտ տարածքում իրար հետ չեն շփվի, բայց դա արվում է: Ի՞նչ գիտեք, որ դրա պատճաառով էլ չի կորոնավիրուսը տարածվում : Մարուքյանը, դիմելով իշխող ուժին, ասաց. Ասում եք սեպտեմբերին կլինի օրական 140-ի կարգի, այսինքն՝ չի կառավարվելու, հա՞, այս իրավիճակը, տպավորություն է, որ բարձիթողի է, իներցիայի թողած, ինքչան կգնա, կգնա, բա ի՞նչ անենք: Այս առումով օրեցօր դժգոհությունները բարձրանում են, միանշանակ ժողովրդի մեջ կարծիք կա, որ արտակարգ դրությունը չպետք է երկարացվի, այլ այդ սահամանփակումներն ուրիշ ձև պետք է կիրակվեն, մեր կարծիքը գիտեք, որ առաջին երկարացումից հետո մնացածն ապօրինի են, որովհետև ՀՀ-ում 30 օրից ավելի չի կարելի երկրացնել արտակարգ դրությունը և այն որոշումները, որ ընդունվել են քաղաքական, քաղաքացիական սահմանափակումներով, դրանք ապօրինի որոշումներ են : Մարուքյանն ընդգծեց, որ բազմաթիվ այլ հարցեր էլ են մնացել, օրինակ, բանկերում վարկային կազմակերպություններում հազարավոր մարդկանց վարկային բեռի հետ կապված որևէ լուծում այդպես էլ չի տրվել: Նա նշեց, որ մարդիկ դրանից են հիմնականում բողոքում: Հարկերի համար էլ ոչինչ չկա, տույժ ու տուգանք է գնում բոլոր ուշացված հարկերի համար: Անհրաժեշտության կա նաև հարկային արձակուրդ տալու: Այս հարցերի հետ կապված՝ ընդդիմության ոչ մի առաջարկություն չի ընդունել կառավարությունը, և ասել է՝ մենք ամեն ինչ գիտենք, ամեն ինչ կառավարում ենք ,- ասաց նա: Մարուքյանի ելույթի ժամանակ նիստերի դահլիճից իշխող մեծամասնության անդամները սկսեցին ծիծաղել, Մարուքյանը հարցրեց՝ ո՞վ է ծիծաղում, պատասխանեցին՝ բոլորս: Մարուքյանն էլ ասաց, որ հույս ունի քննիչ հանձնաժողովում չեն ծիծաղի: ԱԺ նախագահ Արարատ Միրզոյանն էլ կոչ արեց, որ Մարուքյանը չտրվի սադրանքների: Վերջինս էլ ասաց, որ չի տրվի: Վերջում նա հավելեց, որ ԲՀԿ կողմից նախաձեռնություն կա հավաքների սահմանափակումների հետ կապված, ընթացակարգն այնպիսն է, որ պետք է ներկաայցվի, նոր կարծիք ասեն, բայց իրենք կողմ են, որ անտրամաբանական սահմանափակումները վերացվեն: Արարատ Միրզոյանը կոչ արեց՝ հարգանքով վերաբերվել ամբիոնից խոսողներին, չընդհատել և ամբիոնից խոսողներին էլ կոչ արեց՝ չտրվել դահլիճի որևէ հատվածից եկող սադրանքներին:


Latest News
Hashtags:   

Օրեցoր

 | 

դժգոհություններն

 | 

ավելանում

 | 

ժողովրդի

 | 

կարծիք

 | 

արտակարգ

 | 

դրությունը

 | 

չպետք

 | 

երկարացվի

 | 

սահմանափակումներն

 | 

կիրակվեն

 | 

Էդմոն

 | 

Մարուքյան

 | 
Most Popular (6 hours)

Most Popular (24 hours)

Most Popular (a week)

Sources