Sunday 9 August 2020
Home      All news      Contact us      English
tert.am - 27 days ago

«Հայկական ժամանակ»-ը, շինծու տեղեկատվություն տարածելով, չէր գիտակցում, որ գալու է այն ժամանակը, որ պատասխան է տալու. Ա. Վանեցյանի ներկայացուցիչը՝ օրաթերթի դեմ դատական հայցի վերաբերյալ

Հայրենիք կուսակցության նախագահ, ԱԱԾ նախկին տնօրեն Արթուր Վանեցյանը ամիսներ առաջ դատական հայց էր ներկայացրել ընդդեմ Հայկական ժամանակ օրաթերթի: Այսօր մեկնարկեց այդ գործով դատական նիստը, սակայն այն հետաձգվեց կողմերի չներկայանալու պատճառով: Նիստից հետո Արթուր Վանեցյանի ներկայացուցիչ Լուսինե Սահակյանը լրագրողների հետ զրույցում նշեց, որ դատարանը ծանուցումն ուղարկել էր, սակայն հետ էր ստացվել, բայց նույն հասցեով իրենք հերքման տեքստ են ուղարկել, և Հայկական ժամանակ -ը ստացել է, նույն հասցեով այլ դատավարական փաստաթղթեր ևս ուղարկվել են:

Ակնհայտ է, որ Հայկական ժամանակ -ը, չունենալով մեր հայցին պատասխան, փորձում է ձգձգել, որովհետև, եթե այսքան լրատվամիջոց տեղեկացված է այս դատական նիստի մասին, ակնհայտ է, որ Հայկական ժամանակ -ը տեղեկացված է եղել դրա մասին: Ակնհայտ է մի փաստ, նրանք, իրենց անպատասխանատու, շինծու տեղեկատվությունը տարածելով, չէին գիտակցում, որ գալու է այն ժամանակը, որ պատասխան են տալու իրենց կողմից տարածված տեղեկությունների համար: Նրանք բնականաբար չունեն պատասխան, որովհետև այդ տեղեկություններն իրականությանը չեն համապատասխանում և որդեգրել են դատական նիստերը ձգձգելու տարբերակ: Ակնհայտ է, որ այլևս նիստը նման պատճառաբանությամբ հնարավոր չէ հետաձգել, և գալու է ժամանակը, որ նրանք պետք է պատասխան տան իրենց հրապարակման համար ,- նշեց պաշտպան Լուսինե Սահակյանը:

Պաշտպանը նշեց, որ նիստին ներկայանալը, և նիստը ձգձգելն անիմաստ է, քանի որ ի վերջո դատական ակտ է լինելու.

Եթե օրինական դատական ակտ լինի, իրենց ձեռնտու չի լինելու: Սա է խնդիրը, և սրանով է պայմանավորված չներկայանալը: Մենք գիտենք, որ Հայկական ժամանակ -ն ում ընտանիքին է պատկանում, սա է, որ նրանց բորբոքում է, որ կան դատավորներ, որոնց ճնշել չեն կարող, և իրենց համար հաճելի որոշումներ ստանալ: Միգուցե սա է նրանց կաշկանդում և փորձում են ձգձգել :

Հարցին, թե վստահում է գործով դատավորին, պաշտպանը նշեց, որ ինքը տեղեկություն չունի, որ այս դատավորն անօրինական որոշումներ է կայացրել: Լուսինե Սահակյանն ընդգծեց, որ վստահում են դատավորին, և դա է պատճառը, որ ինքնաբացարկի միջնորդություն չեն ներկայացրել.

Դատավորի վրա ճնշումները ինչ աստիճանի կլինեին, և նա ճնշման կգնա թե ոչ, չեմ կարող պատասխանել: Մինչ օրս ապացուցել է, որ կարողանում է օրինական դատական ակտեր կայացնել և կայացնում է ,- նշեց Լուսինե Սահակյանը:

Հիշեցնենք, որ Ավելի վաղ Արթուր Վանեցյանի ներկայացուցիչ Լուսինե Սահակյանը հայտարարություն էր տարածել, որում ասվում էր. Ինչպես հայտնի է, Դարեսկիզբ ՍՊ ընկերությունից (Հայկական ժամանակ, armtimes. com) պահանջել էինք հերքել նշված կայքում հունվարի 12-ին հրապարակված Պատիվ ունեմ, թե պատիվ չունեմ... վերնագրով հոդվածում Արթուր Վանեցյանի վերաբերյալ սուտ, զրպարտչական տեղեկությունները։ Դիմումն ու հերքման բովանդակությունը մեր կողմից հրապարակվել էր, և հանրությունը հնարավորություն ունեցել է առանձին-առանձին մեջբերումներով ծանոթանալ, թե կոնկրետ որ արտահայտություններն են զրպարտություն ու որոնք է անհրաժեշտ ամբողջությամբ հերքել: Սակայն, նշված ընկերությունից ստացել ենք հավանաբար մեզ ուղղված մի գրություն, որով հայտնվում է, թե հերքման մասին դիմումը և դրան կից ներկայացված հերքման տեքստը ընկերության կողմից քննարկման առարկա չեն դարձվում ։


Latest News
Hashtags:   

Հայկական

 | 

ժամանակ

 | 

շինծու

 | 

տեղեկատվություն

 | 

տարածելով

 | 

գիտակցում

 | 

գալու

 | 

ժամանակը

 | 

պատասխան

 | 

տալու

 | 

Վանեցյանի

 | 

ներկայացուցիչը՝

 | 

օրաթերթի

 | 

դատական

 | 

հայցի

 | 

վերաբերյալ

 | 
Most Popular (6 hours)

Most Popular (24 hours)

Most Popular (a week)

Sources