Sunday 9 August 2020
Home      All news      Contact us      English
tert.am - 27 days ago

Այդ մենք ենք կոչ անում Թուրքիային սթափվել և սթափեցնել իրենց ադրբեջանցի գործընկերներին, եթե ոչ, նրանց կսթափեցնեն մեր զինված ուժերը, իսկ դա մեր ԶՈւ-երի մոտ շատ լավ է ստացվում. Ռ. Ռուբինյան (տեսանյութ)

Աշխարհում շարունակվում է տարածվել կորոնավիրուսի համաճարակը և այս պայմաններում, երբ կարծես ամբողջ աշխարհը և պետությունները պետք է միավորված պայքարեին համաճարակի դեմ, երեկ Ադրբեջանը սարդանքի է դիմել հայասատանաադրբեջանական սահմանին և նրանց ագրեսիվ գործողությունները շարունակվում են նաև այսօր: Այս մասին ԱԺ-ի իր ելույթում հայտարարեց Արտաքին հարաբերությունների մշտական հանձնաժողովի նախագահ Ռուբեն Ռուբինյանը:

Նա ընդգծեց, որ սա ևս մեկ անգամ ի ցույց է դնում Ադրբեջանի հետադիմական և ռազմատենչ էությունը: Ադրբեջանի գործողություններին մեր համապատասխան գերատեսչությունների կողմից պարզ և սպառիչ գնահատական է տրվել: Ես հիմա ուզում եմ խոսել Թուրքիայի արձագանքի մասին։ Թուրքիայի ԱԳՆ-ն հայտարարոթյուն է տարածել, որով իր անվերապահ աջակցությունն է հայտնել Ադրբեջանին և, ըստ էության, պաշտպանել է Ադրբեջանի ագրեսիվ գործողությունները Հայաստանի սահմանին։ Սա նշանակում է, որ Թուրքիան իրեն ներկայացնում է որպես ղարաբաղյան հակամարտության կողմ և ևս մեկ անգամ վերահաստատում է այն հանգամանքը, որ Թուրքիան չի կարող որևիցե միջազգային դերակատարում ունենալ, որը կառնչվի ղարաբաղյան համակարտությանը:

Ավելին, ըստ թուքրական մամուլում շրջանառվող հարցազրույցի, թուրքիայի ԱԳ նախարարը Հայաստանին կոչ է արել սթափվել , - ասաց Ռուբինյանը։

Ես ուզում եմ ասել՝ այդ մենք ենք կոչ անում Թուրքիայի իշխանություններին սթափվել, ապա սթափեցնել իրենց ադրբեջանցի գործընկերներին։ Եթե վերջիններս չսթափվեն և չդադարեն սահմանին ապօրինի գործողությունները, նրանց կսթափեցնեն մեր զինված ուժերը, իսկ սթափեցնելը մեր ԶՈւ-երի մոտ, ինչպես ցույց տվեցին երեկվա և այսօրվա գործողությունները, ստացվում են շատ լավ ։




Latest News
Hashtags:   

անում

 | 

Թուրքիային

 | 

սթափվել

 | 

սթափեցնել

 | 

իրենց

 | 

ադրբեջանցի

 | 

գործընկերներին

 | 

նրանց

 | 

կսթափեցնեն

 | 

զինված

 | 

ուժերը

 | 

ստացվում

 | 

Ռուբինյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources