Sunday 9 August 2020
Home      All news      Contact us      English
tert.am - 27 days ago

Անջելինա Ջոլին գովաբանել է իր 15-ամյա որդեգիր դստերը՝ նրան անվանելով «արտասովոր աֆրիկուհի» (լուսանկարներ)

Հոլիվուդյան դերասանուհի, ռեժիսոր Անջելինա Ջոլին գովաբանել է իր 15-ամյա դստերը՝ Զահարա Ջոլի Փիթին ՝ նրան անվանելով արտասովոր աֆրիկուհի , գրում է Harper s Bazaar-ը։ Ես նրանից շատ բան եմ սովորել։ Նա արտասովոր աֆրիկուհի է ,- ուգանդացի կլիմայական ակտիվիստ Վանեսա Նիկատեի հետ զրույցում ասել է դերասանուհին՝ ընդգծելով, որ մեծ հիացմունքով է հետևում, թե դուստրը որքան կապված է իր երկրի և մայրցամաքի հետ։ Ավելի վաղ Ջոլին աֆրոամերիկացի Ջորջ Ֆլոյդի սպանությունից հետո ԱՄՆ-ում և ամբողջ աշխարհում մոլեգնած բողոքի ցույցերի ֆոնին մտավախություն էր հայտնել, որ իր 15-ամյա դուստրը համակարգային ռասիզմի և խտրականության զոհ կարող է դառնալ։ Աշխարհում ավելի քան 70 միլիոն մարդ ստիպված է եղել լքել իր տունը պատերազմի և հետապնդումների պատճառով, և Ամերիկայում կա ռասիզմ և խտրականություն։ Համակարգը, որը պաշտպանում է ինձ, սակայն մաշկի գույնի պատճառով չի պաշտպանում իմ դստերը կամ մեր երկրում ցանկացած այլ տղամարդու, կնոջ կամ երեխայի, անհանդուրժելի է ,- ասել էր նա։ Դերասանուհու խոսքով՝ ոստիկանությունում չարաշահումների դադարեցումը համակարգային ռասիզմի և անպատժելիության խնդրի լուծման միայն սկիզբն է։ Ռասիզմի դրսևորումն առկա է ոչ միայն ոստիկանական համակարգում, այլ մեր կյանքի բոլոր ոլորտներում՝ կրթական համակարգից մինչև քաղաքականություն։ Անջելինա Ջոլին և նրա նախկին ամուսին, հոլիվուդյան դերասան Բրեդ Փիթը Զահարա Ջոլի Փիթին որդեգրել են Եթովպիայից՝ 2005 թվականին։


Latest News
Hashtags:   

Անջելինա

 | 

Ջոլին

 | 

գովաբանել

 | 

որդեգիր

 | 

դստերը՝

 | 

անվանելով

 | 

արտասովոր

 | 

աֆրիկուհի

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources