Sunday 9 August 2020
Home      All news      Contact us      English
tert.am - 27 days ago

Չինաստանում կորոնավիրուսով վարակված կինը վերելակ է նստել, ինչը հանգեցրել է երկու հիվանդանոցում COVID-19-ի բռնկմանը և 71 մարդու վարակմանը

Չինաստանում կորոնավիրուսով վարակված կինը վերելակ է նստել, ինչը հանգեցրել է երկու հիվանդանոցում COVID-19-ի բռնկմանը և 71 մարդու վարակմանը, գրում է Staff.co-ն։ Այս տարվա ապրիլին, երբ Չինաստանում կորոնավիրուսի համաճարակն անկում էր գրանցում, Հեյլունցզյան նահանգում նոր բռնկում է տեղի ունեցել։ Երկու հիվանդանոց է տեղափոխվել ավելի քան 70 մարդ։ Համաճարակաբանները հետաքննություն են սկսել վարակվածների և կորոնավիրուսի աղբյուրի շփումների հաստատման նպատակով և պարզել, որ ապրիլի 2-ին հիվանդանոց է տեղափոխվել COVID-19-ի բարդությունների պատճառով կաթված ստացած մի տղամարդ: Հիվանդասենյակում անցկացրած ժամանակ նա վարակել է շուրջ 20 մարդու, իսկ ավելի վաղ՝ իր երեք որդիներին։ Նրանցից յուրաքանչյուրը վարակել է ևս 28 մարդու, այդ թվում՝ հինգ բուժքույրերի և բժշկի։ Աղբյուրը գրում է, որ հետագայում հիվանդանոց է տեղափոխվել նաև հիշյալ տղամարդու հարևանը, և նրանց երկուսի մոտ COVID-19-ի արտասահմանյան շտամ է հայտնաբերվել։ Բոլոր շփումների ստուգման ընթացքում պարզվել է, որ ընդհանուր առմամբ հիվանդացել է 70 մարդ։ Աղբյուրի որոնման շրջանակում ստուգվել են տվյալ շենքի բոլոր բնակիչները: Միևնույն ժամանակ, բնակչուհիներից մեկի մոտ, որը հիվանդության ոչ մի ախտանիշ չի ունեցել, սակայն վերջերս էր վերադարձել Միացյալ Նահանգներից, գտել են այն նույն շտամը, որը հայտնաբերվել էր հիվանդների մոտ: Կնոջ խոսքով՝ նա չի շփվել հիվանդների հետ, պարզապես նրանց հետ վերելակ է նստել։


Latest News
Hashtags:   

Չինաստանում

 | 

կորոնավիրուսով

 | 

վարակված

 | 

վերելակ

 | 

նստել

 | 

հանգեցրել

 | 

երկու

 | 

հիվանդանոցում

 | 

COVID

 | 

բռնկմանը

 | 

մարդու

 | 

վարակմանը

 | 
Most Popular (6 hours)

Most Popular (24 hours)

Most Popular (a week)

Sources