Tuesday 11 August 2020
Home      All news      Contact us      English
tert.am - 29 days ago

Պուտինն Էրդողանի ուշադրությունն է հրավիրել Սուրբ Սոֆիայի կարգավիճակի փոփոխության մասին լուրի՝ Ռուսաստանում առաջացրած արձագանքի վրա

Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը հեռախոսազրույց են ունեցել, որի ընթացքում ռուս առաջնորդը Թուրքիայի նախագահի ուշադրությունն է հրավիրել Սուրբ Սոֆիայի կարգավիճակի փոփոխության մասին լուրի՝ Ռուսաստանում առաջացրած արձագանքի վրա: Այս մասին տեղեկացնում է ՌԻԱ Նովոստի գործակալությունը: Նշվում է, որ հեռախոսազրույցը տեղի է ունեցել թուրքական կողմի նախաձեռնությամբ: Վլադիմիր Պուտինը Ռեջեփ Թայիփ Էրդողանի ուշադրությունն է հրավիրել Ռուսաստանում հանրային արձագանքի վրա, որն առաջացել է Ստամբուլի Սուրբ Սոֆիայի տաճարի կարգավիճակը փոխելու մասին որոշման հետևանքով ,-ասված է հաղորդագրության մեջ: Ինչպես ավելի վաղ տեղեկացրել էր Tert.am-ը, հուլիսի 10-ին Թուրքիայի նախագահ Ռեջեփ Թայիփ Էրդողանը Ստամբուլում գտնվող Սուրբ Սոֆիայի տաճարի կարգավիճակը փոխելու և այն մզկիթ դարձնելու մասին հրամանագիր է ստորագրել: Սուրբ Սոֆիայի տաճարը բյուզանդական ճարտարապետության հուշակոթող է: Այն կառուցվել է 532-537 թվականներին ՝ Հուստինիանոս կայսեր կողմից, որը որոշել էր այս տաճարով հավերժացնել Կոստանդնուպոլսի փառքը: 1453թ-ին Բյուզանդական կայսրության անկումից հետո տաճարը վերածվել է մզկիթի: 1935թ-ին Թուրքիայի կառավարության որոշմամբ, որը ստորագրվել է ժամանակակից թուրքական պետության հիմնադիր Քեմալ Աթաթուրքի կողմից, տաճարը դարձել է թանգարան, կառույցի պատերը մաքրվել են որմնանկարներից և խճանկարներից: 1985թ-ին տաճարն ընդգրկվել է ՅՈՒՆԵՍԿՕ-ի Համաշխարհային ժառանգության ցանկում:


Latest News
Hashtags:   

Պուտինն

 | 

Էրդողանի

 | 

ուշադրությունն

 | 

հրավիրել

 | 

Սուրբ

 | 

Սոֆիայի

 | 

կարգավիճակի

 | 

փոփոխության

 | 

մասին

 | 

լուրի՝

 | 

Ռուսաստանում

 | 

առաջացրած

 | 

արձագանքի

 | 
Most Popular (6 hours)

Most Popular (24 hours)

Most Popular (a week)

Sources