Tuesday 4 August 2020
Home      All news      Contact us      English
tert.am - 22 days ago

Վերահսկողության տեսանկյունից ունեցել ենք խնդիրներ. Ավինյանը՝ կորոնավիրուսի դեմ պայքարի թերացումների մասին

ԱԺ-ում իրավունքի ուժով հրավիրված նիստին Բարգավաճ Հայաստան խմբակցության պատգամավոր Միքայել Մելքումյանը Հայաստանում կորոնավիրուսի ի հայտ գալու ժամանակաշրջանը բաժանեց երեք մասի. 1-ին՝ առաջին վարակակիրը հայտնաբերելուց մինչև արտակարգ դրություն հայտարարելը՝ մարտի 1-ից 16-ը, 2-րդ մարտի 16-ից մայիսի կեսը, երբ ամբողջական փակ իրավավիճակում էինք և երրորդ մայիսի կեսերից մինչև հիմա և հիմնական զեկուցող, պարետ, փոխվարչապետ Տիգրան Ավինյանից հետաքրքրվեց՝ ինչպես է վերջինս գնահատում անցած երեք փուլերի ընթացքը, ինչը չի արվել, որ պետք է արվեր, ինչ թերացումներ են եղել:

Ավինյանն ընդգծեց՝ միանշանակ խնդիրներ և սխալներ եղել են: Սխալների հիմքում ավելի շատ ինստիտուցիոնալ խնդիրներ են ընկած, քան անձերի հետ կապված խնդիրներ: Մասնավորապես. եթե վերադարձ կատարեցինք նախկին ժամանակաշրջաններից որևէ մեկը, մինչև արտակարգ դրության ռեժիմի սահամանփակումների ամբողջական ծավալի ներդնումը, առաջին հերթին վերահսկողական մեխանիզմների վերաբերյալ մեր մոտեցումներն այլ կլինեին ,- ասաց նա:

Ավինյանը շեշտեց՝ թե ռեսուրսի, թե կազմակերպչական առումով վերահսկողությունը միանշանակ ավելի խիստ կսահմանվեր: Ավելի մեծ քանակությամբ ռեսուրս կներդրվեր, որովհետև վերահսկողության տեսանկյունից մենք ունեցել ենք որոշակի խնդիրներ, որոնք ինչ-որ ծավալով բացասական իմաստով ազդել են վարակի տարածման վրա: Մենք մեծամասամբ մեր առաջնային խնդիրը՝ առողջապահական համակարգի կարողությունների զարգացումը, ապահովել ենք, և այդ կարողություններն այն աստիճան ենք զարգացրել, որ նույնիսկ այս բարձր թվերն ունենալու պարագայում որևէ մտահոգություն չունենք, որ առողջապահական համակարգը այս փուլում ունակ չի լինի սպասարկել բոլոր կարիք ունեցող անձանց ,- ասաց նա:

Մելքումյանն էլ խնդրեց փոխվարչապետին նշել մեկ-երկու գերատեսչություն, որոնք թերացել են իրենց պարտականությունները կատարելու տեսանկյունից, Ավինյանը նորից նշեց, որ թերացումներն ինստիտուցիոնալ են եղել: Նա նշեց, որ հիմա ռեֆորմներ են կատարվելու համակարգում, որոնք ներկայացվել է Արդարամտության նախարարության կողմից, և հույս հայտնեց, որ հնարավորինս սեղմ ժամկետներում ռեֆորմների այդ փաթեթները կկարողանան կյանքի կոչել՝ ամուր հիմքեր ստեղծելով այդ համակարգերի հետագա զարգացման համար:


Latest News
Hashtags:   

Վերահսկողության

 | 

տեսանկյունից

 | 

ունեցել

 | 

խնդիրներ

 | 

Ավինյանը՝

 | 

կորոնավիրուսի

 | 

պայքարի

 | 

թերացումների

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources