Thursday 13 August 2020
Home      All news      Contact us      English
tert.am - 1 month ago

«Էրդողանը չունի պետական իմաստնություն»․ Ռուսաստանում հայտարարել են, որ Սուրբ Սոֆիայի վերաբերյալ Էրդողանի որոշումը «կարող է ազդել պատմության ընթացքի վրա»

Թուրքիայի նախագահ Ռեջեփ Թայիփ Էրդողանի՝ Սուրբ Սոֆիայի տաճարը մզկիթի վերածելու մասին որոշումը կարող է ազդել պատմության ընթացքի վրա և չի ծառայում խաղաղության և միջկրոնական ներդաշնակության ամրապնդմանը, հայտնել է Մոսկվայի Պատրիարքարանի արտաքին եկեղեցական կապերի բաժնի փոխղեկավար Նիկոլայ Բալաշովը, գրում է ria.ru-ն։ Էրդողանը չունի պետական իմաստնություն։ Այդ արարքը չի բխում իր սեփական ժողովրդի շահերից , - ֆեյսբուքյան գրառում է կատարել Բալաշովը։ Ցավալի է, որ Թուրքիայի նախագահի գիտակցության մեջ այսրոպեական քաղաքական հաջողության շահերը վեր են պետական իմաստնությունից։ Նախաձեռնվել է խորհրդանշական նշանակության քայլ, որը կարող է ազդել պատմության ընթացքի վրա։ Եվ շատ ցավալի է, որ այդ քայլն ուղղված չէ խաղաղության ամրապնդմանը, միջկրոնական ներդաշնակությանը, փոխըմբռնման բարելավմանը, մասնավորապես՝ Թուրքիայի և Ռուսաստանի ժողովուրդների միջև ,-հավելել է Բալաշովը: Հիշեցնենք, որ Թուրքիայի պետական խորհուրդը (բարձրագույն վարչական դատարան) ուրբաթ չեղյալ է հայտարարել Ստամբուլի Սուրբ Սոֆիայի տաճարը թանգարան դարձնելու մասին 1934 թվականի որոշումը: Թուրքիայի նախագահ Ռեջեփ Թայիփ Էրդողանը դրանից հետո հրամանագիր է ստորագրել տաճարը մզկիթի վերածելու մասին։ Սուրբ Սոֆիայի տաճարը բյուզանդական ճարտարապետության հուշակոթող է: Այն կառուցվել է 532-537թթ․՝ Հուստինիանոս կայսեր կողմից, որը որոշել էր այս տաճարով հավերժացնել Կոստանդնուպոլսի փառքը: 1453թ․ Բյուզանդական կայսրության անկումից հետո տաճարը վերածվել է մզկիթի: 1935թ․ Թուրքիայի կառավարության որոշմամբ, որը ստորագրվել է ժամանակակից թուրքական պետության հիմնադիր Քեմալ Աթաթուրքի կողմից, տաճարը դարձել է թանգարան, կառույցի պատերը մաքրվել են որմնանկարներից և խճանկարներից: 1985թ․ տաճարն ընդգրկվել է ՅՈՒՆԵՍԿՕ-ի Համաշխարհային ժառանգության ցանկում:



Latest News
Hashtags:   

Էրդողանը

 | 

չունի

 | 

պետական

 | 

իմաստնություն

 | 

Ռուսաստանում

 | 

հայտարարել

 | 

Սուրբ

 | 

Սոֆիայի

 | 

վերաբերյալ

 | 

Էրդողանի

 | 

որոշումը

 | 

կարող

 | 

ազդել

 | 

պատմության

 | 

ընթացքի

 | 
Most Popular (6 hours)

Most Popular (24 hours)

Most Popular (a week)

Sources