Thursday 13 August 2020
Home      All news      Contact us      English
tert.am - 1 month ago

«Ժողովուրդ»․ Արդարադատության նախարարի տեղակալներից մեկի հաստիքը թափուր կմնա

Առաջիկայում ՀՀ արդարադատության նախարարի տեղակալներից մեկի հաստիքը թափուր կմնա: Բանն այն է, որ այժմ նախարարի տեղակալ Սրբուհի Գալյանը դարձել է ՀՀ գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալի մրցույթի հաղթող, և համապատասխան հրամանից հետո նա պետք է անցնի իր պարտականությունների կատարմանը, և այդ դեպքում փոխնախարարի հաստիքը կմնա թափուր, քանի որ պաշտոններն անհամատեղելի են: ՀՀ արդարադատության նախարարության լրատվության և հասարակայնության հետ կապերի բաժնի պետ Լուսինե Մարտիրոսյանը Ժողովուրդ օրաթերթի հետ զրույցում հայտնեց. Այս պահին արդարադատության նախարարի տեղակալ տիկին Գալյանի անունը ընդգրկված է ՀՀ գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալի թեկնածուների ցուցակում։ Նշված երկու պաշտոնները համատեղել հնարավոր չէ , հայտնեց նա։ Այսպիսով, Արդարադատության նախարարությունում սեպտեմբերին մեկ հաստիք թափուր կլինի, քանի որ հանձնաժողովը կգործի հենց սեպտեմբերից: Հավելենք, որ Ժողովուրդ օրաթերթը գրել էր, որ մինչև մրցույթն արդեն իսկ քաղաքական որոշումը կայացված էր, և ՀՀ արդարադատության նախարարի տեղակալ Սրբուհի Գալյանն էլ պետք է զբաղեցներ այդ կարևորագույն պաշտոնը, քանի որ այդպես է ուզում ՀՀ արդարադատության նախարար Ռուստամ Բադասյանը: Նրա որոշումները, կարելի է ասել, համակարգում անբեկանելի են: Այսինքն՝ արդարադատության նախարարն արդեն որոշել էր իր մարդուն գործուղել դատախազություն և անձամբ վերահսկել ապօրինի գույքի բռնագանձման գործընթացը ,-գրում է թերթը: Նյութն ամբողջությամբ կարդացեք թերթի այսօրվա համարում


Latest News
Hashtags:   

Ժողովուրդ

 | 

Արդարադատության

 | 

նախարարի

 | 

տեղակալներից

 | 

հաստիքը

 | 

թափուր

 | 
Most Popular (6 hours)

Most Popular (24 hours)

Most Popular (a week)

Sources