Thursday 6 August 2020
Home      All news      Contact us      English
azatutyun - 1 month ago

ՊԵԿ. Դատարանի որոշմամբ որևէ անդրադարձ չի կատարվել Միքայել Մինասյանին մեղսագրված արարքների կատարման հիմնավոր կասկածին

Երևանի ընդհանուր իրավասության առաջին ատյանի դատարանը արդեն երկրորդ անգամ մերժում է Պետական եկամուտների կոմիտեի (ՊԵԿ) միջնորդությունը՝ կալանավորել Հայաստանի երրորդ նախագահ Սերժ Սարգսյանի փեսա, Սուրբ Աթոռում Հայաստանի նախկին դեսպան Միքայել Մինասյանին։ Մերժման որոշումը կայացրել է Ավանի նստավայրի դատավոր Վահագն Մելիքյանը։ ՊԵԿ-ից ի պատասխան «Ազատության» հարցմանը փոխանցեցին, որ այս միջնորդությունը դատարանին քննության ներկայացնելու հիմք է հանդիսացել այն հանգամանքը, որ նախաքննական մարմնի կողմից կատարված հետևողական և օբյեկտիվ քննության արդյունքում ձեռք է բերվել բազմաթիվ ապացույցների համակցություն, որոնք հիմք են հանդիսացել Միքայել Մինասյանին մեղսագրել ևս երկու դրվագով հանրորեն վտանգավոր արարքների կատարում:  «2020թ.-ի հուլիսի 5-ին կայացված որոշման հիմք է հանդիսացել բացառապես ՀՀ քրեական դատավարության օրենսգրքի համապատասխան հոդվածի պահանջների յուրովի մեկնաբանումը և իրավիճակի գնահատումը դատարանի կողմից, որը որևէ կերպ կասկածի տակ չի դնում Մ. Մինասյանի կողմից՝ մեղսագրվող հանրորեն վտանգավոր արարքների կատարված լինելու հանգամանքը: Ավելին, թե Երևան քաղաքի ընդհանուր իրավասության դատարանի 05.07.2020թ.-ի որոշմամբ, և թե Մ. Մինասյանի վերաբերյալ նախկինում՝ ՀՀ քրեական վերաքննիչ դատարանի կողմից կայացված որոշմամբ որևէ անդրադարձ չի կատարվել Մ. Մինասյանին մեղսագրված հանրորեն վտանգավոր արարքների կատարման հիմնավոր կասկածին: Այսինքն, մինչ օրս Մ. Մինասյանի նկատմամբ կալանավորումը որպես խափանման միջոց ընտրելու մասին քննարկված ու կայացված դատական ակտերից միայն 06.05.2020թ.-ի դատական ակտով է քննարկել և վերլուծվել Մ. Մինասյանի մեղադրանքի հիմնավոր կասկածի և կալանավորման հիմքերի առկայությունը, որը դատարանի կողմից գնահատվել է իրավաչափ», - ասված է ՊԵԿ-ի պատասխանի մեջ:    


Latest News
Hashtags:   

Դատարանի

 | 

որոշմամբ

 | 

անդրադարձ

 | 

կատարվել

 | 

Միքայել

 | 

Մինասյանին

 | 

մեղսագրված

 | 

արարքների

 | 

կատարման

 | 

հիմնավոր

 | 

կասկածին

 | 
Most Popular (6 hours)

Most Popular (24 hours)

Most Popular (a week)

Sources