Tuesday 11 August 2020
Home      All news      Contact us      English
tert.am - 1 month ago

Դատախազությունն առիթից օգտվում է՝ շահարկելով Ռոբերտ Քոչարյանի անունը, որը կապ չունի Պողոս Պողոսյանի սպանության հետ․ սպանության գործով առկա դատավճիռն օրինական է, այլապես կբողոքարկեինք. Ռուբեն Սահակյան

Պողոս Պողոսյանի սպանության գործով ինֆորմացիան, որ ես ունեցել եմ այն ժամանակ, ինձ թույլ է տվել ասելու, որ այդ գործով դատավճիռը օրինական է: Այս մասին Tert.am-ի հետ զրույցում ասաց Պողոս Պողոսյանի իրավահաջորդի ներկայացուցիչ, այժմ Ռոբերտ Քոչարյանի պաշտպանական թիմի անդամ Ռուբեն Սահակյանը՝ անդրադառնալով Հայաստանի վերաքննիչ քրեական դատարանի որոշմանը, ըստ որի՝ բավարարվել է դատախազության բողոքը և 2001թ. սեպտեմբերի 24-ի լույս 25-ի գիշերը Առագաստ սրճարանում կատարված Պողոս Պողոսյանի սպանության վերաբերյալ քրեական գործն ուղարկվել է ընդհանուր իրավասության առաջին ատյանի դատարան՝ նոր քննություն կատարելու համար։ Ինչ վերաբերում է հարցին, թե արդյոք նոր քննություն իրականացնելու անհրաժեշտություն տեսնում է, Ռուբեն Սահակյանը ասաց, որ չի կարող ասել, քանի որ չունի այն ինֆորմացիան, որն ունի դատախազությունը: Ինչ վերաբերում է իր՝ Ռոբերտ Քոչարյանի պաշտպանը լինելուն, նա նշեց, որ Ռոբերտ Քոչարյանը ինքնուրույն անձ է: Մենք հակառակ բևեռներում ենք, ես այնտեղ տուժողի ներկայացուցիչ եմ, իսկ Ռոբերտ Քոչարյանն այստեղ մեղադրյալ է ,-ասաց նա: Ամեն դեպքում նոր քննություն իրականացնելու մեջ Ռուբեն Սահակյանը միտում է տեսնում: Տուժողի իրավահաջորդի, մահացածի որդու, թե ում կողմից պահանջ է եղել, և դատախազությունն էլ օգտվել է առիթից ու սկսել է քննություն կատարել, բնական է՝ շահարկելով կրկին Ռոբերտ Քոչարյանի անունը, որն ընդհանրապես կապ չունի այդ միջադեպի հետ: Ինչ հիմարություն ասես, որ դուրս չէին տալիս, թե՛ պետական այրերը, թե՛ հասարակական, քաղաքական գործիչներ ,-ասաց նա: Ռուբեն Սահակյանը շեշտեց, որ այն ապացուցողական բազան, որը եղել է այն ժամանակ, եղել է այնքան, ինչքան որ հնարավորություն է տվել դատարանին կայացնելու արդարացի որոշում, հակառակ դեպքում իրենք կբողոքարկեին: Ինչ վերաբերում է Ռոբերտ Քոչարյանին ուղղված մեղադրանքները ուսումնասիրելու անհրաժեշտությանը, Ռուբեն Սահակյանն ասաց, հիմարությունը չի կարելի անվանել անհրաժեշտություն: Ի՞նչ է նշանակում Ռոբերտ Քոչարյանն է հանձնարարել ,-հավելեց նա:


Latest News
Hashtags:   

Դատախազությունն

 | 

առիթից

 | 

օգտվում

 | 

շահարկելով

 | 

Ռոբերտ

 | 

Քոչարյանի

 | 

անունը

 | 

չունի

 | 

Պողոս

 | 

Պողոսյանի

 | 

սպանության

 | 

սպանության

 | 

գործով

 | 

դատավճիռն

 | 

օրինական

 | 

այլապես

 | 

կբողոքարկեինք

 | 

Ռուբեն

 | 

Սահակյան

 | 
Most Popular (6 hours)

Most Popular (24 hours)

Most Popular (a week)

Sources