Tuesday 11 August 2020
Home      All news      Contact us      English
tert.am - 1 month ago

Գեղարքունիքի մարզպետը և Վարդենիսի քաղաքապետը կեղտոտ խաղերով տապալեցին Շատջրեք համայնքի դպրոցի տնօրենի մրցույթը. ուզում են իրենց թեկնածուն նշանակվի. ուսուցչուհի

ՀՀ Գեղարքունիքի մարզպետը և Վարդենիսի քաղաքապետը ինչ գործ ունեն Շատջրեք համայնքի միջնակարգ դպրոցի հետ, միտումնավոր տապալեցին դպրոցի տնօրենի մրցույթը, մարզպետը կեղտոտ խաղերով առաջ մղեց անձնական ամբիցիաները: Այս մասին Tert.am-ի հետ զրույցում ասաց Գեղարքունիքի մարզի Շատջրեք համայնքի միջնակարգ դպրոցի ուսուցչուհի Երազիկ Աբրահամյանը: Նա մանրամասնեց, որ դպրոցի տնօրենի մրցույթը պետք է կայանար հունիսի 23-ին, սակայն հետաձգվել է մարզպետի և Վարդենիսի քաղաքապետի միջամտությամբ, նրանք ահաբեկել են դպրոցի կառավարման խորհրդի անդամներից 3-ին, ովքեր պետական համակարգում են աշխատում: Մրցույթին մասնակցում էր մի թեկնածու՝ մեր նախկին տնօրենը՝ Աշոտ Աբրահամյանը: Դպրոցի կառավարման խորհրդի անդամների թիվը 8 է, բայց 5 հոգի հավաքվեցինք, խորհրդի անդամներից երեքը չներկայացան, իսկ ընթացակարգով խորհրդի կազմը պետք է առնվազն 6 հոգի ապահովի, որպեսզի տնօրենի թափուր պաշտոնի համար հայտարարված մրցույթը տեղի ունենա: Երկուսը՝ մարզպետարանի ներկայացուցիչները՝ չկային, մյուսը նախարարության ներկայացուցիչը, ով էլի խորհրդի անդամ է, աշխատում է Վարդենիսի քաղաքապետարանում ,-մանրամասնեց նա: Ուսուցչուհին ընդգծեց, որ երկրորդ անգամ ևս մրցույթը նույն անձանց բացակայության պատճառով չի կայացել, ավելին, ասաց, որ խորհրդի այն ներկայացուցիչը, որը հանդիսանում է նաև քաղաքապետրանի աշխատակից ներքին խոսակացությունների ժամանակ նշել է, որ եթե ներկայանար, քաղաքապետը աշխատանքից կհեռացներ, քանի որ իրեն արգելել է գնալ: Մարզպետն ու քաղաքապետը կրկնում եմ՝ շղթայական գործողություններով տապալել են մրցույթը, մենք տեղեկություն ունենք, որ ցանականում են դպրոցի տնօրեն նշանակվի քաղաքապետի բարեկամ Աննա Վարդանյանը, ինքը տնօրենի հավաստագիր է ստացել և ուզում են տարբեր խաղերով իրեն բերել այս դպրոց ,-ասաց նա: Երազիկ Աբրահմյանը նշեց, որ իրենք մարզպետարանից բանավոր հավաստիացում էին ստացել, որ կարող է մրցույթի 3 փուլ կայանալ ու խորհուրդը որոշի։ Սակայն այսօր արդեն պարզվել է, որ 3 փուլ չի կարող լինել. նոր մրցույթ պետք է հայտարարվի: Իրենք ավելի վաղ էլ գիտեին, քանի որ ԿԳՄՍ-ից գրություն էին ստացել, որ 3 փուլ չի կարող կայանալ, ժամանակ են ձգել, որպեսզի Աշոտ Աբրահամյանի հավաստագրի ժամկետը լրանա ,-ասաց նա: Ուսուցչուհու խոսքով՝ դպրոցի նախկին տօրենի հետ կապված քրեական գործ կա հարուցված, բայց օրենքը նրան չի արգելում առաջադրվել, դատական վճիռ չկա, մարզպետը չէ, որ նրան մեղավոր պիտի ճանաչի: Նրա դիտարկմամբ՝ կոլեկտիվն է խնդրել, որ հրաժարական ներկայացրած դպրոցի տնօրենն առաջադրվի: Գեղարքունիքի մարզպետարանի Մշակույթի և սպորտի բաժնի պետի ԺՊ Գեղամ Չարվադարյան էլ Tert.am-ի հետ զրույցում նշեց, որ մարզպետարանը, մարզպետը մրցույթը չկայանալու համար որևէ գործողություն չեն կատարել: Մարզպետն ընդհանրապես չի միջամտել, այդտեղ խնդիրն այն էր, որ մի անգամ նախարարության ներկայացուցիչը չի եկել, թե ինչ պատճառներով, չգիտեմ: Մարզպետարանը՝ որպես դիտորդ է մասնակցում, մարզպետը խորհրդի աշխատանքներին ընդհանրապես չի խառնվում: Իսկ երկրորդ անգամն էլ խորհուրդը պետք է 6-ով քվորում ապահովեր, որ իրավասու լիներ անցկացնելու մրցույթը, բայց եղել է 5 հոգի, մեկ անդամն արդեն արձանգրելուց 10 րոպե հետո եկել է, բայց արդեն նիստը սկսած են եղել ,-ասաց նա: Գեղամ Չարվադարյանը նշեց, որ դպրոցի կառավարման խորհրդի կազմը հիմա պետք է որոշի, թե երբ է նոր մրցույթ հայտարարվելու: Ինչ վերաբերում է նրան, թե մարզպետն ու քաղաքապետը դպրոցի տնօրենի իրենց թեկնածուն ունեն, նա ընդգծեց, որ եթե դպրոցի տնօրենի մրցույթին մեկ թեկնածու է մասանակցել, ինչ իմասատ ուներ այլ գործողություններ անել: Ամեն մարդ իր ձևով է մտածում ու խոսում, բայց փաստացի որևէ բան չկա ,-եզրափակեց նա: Գեղարքունիքի մարզպետ Գնել Սանոսյանը մեր զանգերին չպատասխանեց: Նշենք, որ դպրոցի ուսուցիչները ցանկանում վարչապետ Նիկոլ Փաշինյանին բաց նամակով դիմել:


Latest News
Hashtags:   

Գեղարքունիքի

 | 

մարզպետը

 | 

Վարդենիսի

 | 

քաղաքապետը

 | 

կեղտոտ

 | 

խաղերով

 | 

տապալեցին

 | 

Շատջրեք

 | 

համայնքի

 | 

դպրոցի

 | 

տնօրենի

 | 

մրցույթը

 | 

ուզում

 | 

իրենց

 | 

թեկնածուն

 | 

նշանակվի

 | 

ուսուցչուհի

 | 
Most Popular (6 hours)

Most Popular (24 hours)

Most Popular (a week)

Sources