Saturday 11 July 2020
Home      All news      Contact us      English
tert.am - 11 days ago

Կոչ ենք անում չստորագրել ԱԺ կողմից ընդունված սահմանադրական փոփոխություններն ու դիմել ՍԴ՝ դրանց սահմանադրականությունը պարզելու պահանջով․ Ավետիք Չալաբյանը՝ ՀՀ նախագահին

Ազգային օրակարգ կուսակցության Խորհրդի նախագահ Ավետիք Չալաբյանը հրապարակավ դիմել է ՀՀ նախագահին՝ կոչ անելով չստորագրել Ազգային ժողովի կողմից Սահմանադրական դատարանի մասին սահմանադրական օրենքում արված փոփոխությունները և դիմել ՍԴ՝ այդ փոփոխությունների սահմանադրականությունը պարզելու պահանջով: Հայաստանի Հանրապետության նախագահին Նկատի ունենալով, որ ս. թ. հունիսի 22 ին Ազգային ժողովի կողմից սահմանադրական փոփոխությունները իրականացվել են գործող Սահմանադրության պահանջների ակնհայտ և կոպիտ խախտմամբ, սակայն դրանով դեռևս չի ավարտվել Սահմանադրական դատարանի լիազորությունների վերջնական յուրացումը, և այսօր Ազգային ժողովն ընդունել է Սահմանադրական դատարանի մասին սահմանադրական օրենքում համապատասխան փոփոխություններ, կոչ ենք անում Ձեզ չստորագրել այն և դիմել Սահմանադրական դատարան՝ այդ փոփոխությունների սահմանադրականությունը պարզելու պահանջով: Մասնավորապես, ս. թ. հունիսի 30-ին ընդունված Սահմանադրական դատարանի մասին սահմանադրական օրենքում փոփոխություններ և լրացումներ կատարելու մասին օրենքը Սահմանադրական դատարանի դատավորների լիազորությունների դադարման հիմք է համարում ս. թ. հունիսի 22-ին Սահմանադրության 213-րդ հոդվածում կատարված փոփոխությունները (օրենքի 4-րդ հոդվածի 2-րդ մասի 1-3-րդ և 5-րդ պարբերությունները): Սահմանադրական դատարանի մասին օրենքի նման կարգավորումը ուղղակիորեն հակասում է Սահմանադրության 164-րդ հոդվածի 8-րդ մասում սպառիչ կերպով սահմանված Սահմանադրական դատարանի դատավորի լիազորությունների դադարման հիմքերին, որը սահմանում է հետևյալը. Դատավորի լիազորությունները դադարում են լիազորությունների ժամկետն ավարտվելու, Հայաստանի Հանրապետության քաղաքացիությունը կորցնելու կամ այլ պետության քաղաքացիություն ձեռք բերելու, նրա նկատմամբ կայացված մեղադրական դատավճիռն օրինական ուժի մեջ մտնելու կամ քրեական հետապնդումը ոչ արդարացնող հիմքով դադարեցնելու, նրան անգործունակ, անհայտ բացակայող կամ մահացած ճանաչելու վերաբերյալ դատարանի վճիռն օրինական ուժի մեջ մտնելու, նրա հրաժարականի, մահվան դեպքերում ։ Փաստացի, հունիսի 30-ին ընդունված օրենքը սահմանում է Սահմանադրական դատարանի դատավորի լիազորությունների դադարման մի հիմք, որը Սահմանադրության 164-րդ հոդվածի 8-րդ մասում սահմանված չէ։ Այսպիսով, հաշվի առնելով, որ հունիսի 30-ին Ազգային ժողովի կողմից հապշտապ ընդունված օրինագիծն ինքնին առերևույթ հակասում է Սահմանադրությանը, հորդորում ենք Ձեզ է՛լ ավելի չխորացնել Հայաստանում ստեղծված Սահմանադրական ճգնաժամը, օգտվել Սահմանադրության 129-րդ հոդվածով Ձեզ վերապահված լիազորությունից և դիմել Սահմանադրական դատարան՝ Սահմանադրությանը նշված օրենքի համապատասխանությունը որոշելու հարցով Ազգային օրակարգ կուսակցության Խորհրդի նախագահ ։


Latest News
Hashtags:   

անում

 | 

չստորագրել

 | 

կողմից

 | 

ընդունված

 | 

սահմանադրական

 | 

փոփոխություններն

 | 

դիմել

 | 

դրանց

 | 

սահմանադրականությունը

 | 

պարզելու

 | 

պահանջով․

 | 

Ավետիք

 | 

Չալաբյանը՝

 | 

նախագահին

 | 
Most Popular (6 hours)

Most Popular (24 hours)

Most Popular (a week)

Sources