Saturday 11 July 2020
Home      All news      Contact us      English
tert.am - 11 days ago

Նոր Զելանդիայի վարչապետը երկրի սահմանները բացելու մասին քաղաքական հակառակորդների կոչերը «վտանգավոր» է որակել

Նոր Զելանդիայի վարչապետ Ջասինդա Արդերնը երկրի սահմանները բացելու մասին քաղաքական հակառակորդների կոչերը վտանգավոր է որակել, սակայն միևնույն ժամանակ նրանց հորդորել է ծրագիր ներկայացնել, թե ինչպես հնարավոր կլինի անվտանգ կերպով կազմակերպել դա, հայտնում է The Guardian պարբերականը։ Արդերնը, մեկնաբանելով երկրի սահմանները չբացելու մասին իր որոշումը, նշել է, որ մի աշխարհում, որտեղ վիրուսի տարածման տեմպերն արագանում են, որոշ երկրներ անգամ համավարակի պիկին չեն հասել, երբ աշխարհում վարակակիրների թիվը գերազանցել է 10 միլիոնը, հիվանդությունից կես միլիոն մարդ է մահացել, երբ պետությունները վերադառնում են կրկին սահմանափակումների ռեժիմին, իրենք կարողանում են իրենց հանգստյան օրերը սպորտով զբաղվելով անցկացնել, ռեստորաններ և բարեր այցելել, իրենց երկրում աշխատանքի վայրերը բաց են և իրենք կարող են այնքան մարդկանցով հավաքվել, որքան իրենք են ուզում։ Միևնույն ժամանակ ընդդիմադիր մի շարք գործիչներ և գործարարներ նշում են, որ հաջորդ ամիսներին երկրի սահմանները փակ պահելու ռազմավարությունը սխալ է, քանի որ այն խորը տնտեսական հետևանքներ կարող է ունենալ։ Հայտնի է, որ այժմ Նոր Զելանդիայի սահմանը հատելու իրավունք ունեն երկրի քաղաքացիները և հատուկ թույլտվություն ունեցող անձինք, որոնք ժամանելուց հետո երկշաբաթյա կարանտին գոտում պետք է մնան և կորոնավիրուսի առկայությունը ստուգող թեստ հանձնեն։ Նոր Զելանդիան աշխարհի մակարդակով կորոնավիրուսի դեմ պայքարում ամենալավ արդյունքներն ունեցող երկրներից է, քանի որ այստեղ վարակակիրների թիվը շատ փոքր է։


Latest News
Hashtags:   

Զելանդիայի

 | 

վարչապետը

 | 

երկրի

 | 

սահմանները

 | 

բացելու

 | 

մասին

 | 

քաղաքական

 | 

հակառակորդների

 | 

կոչերը

 | 

վտանգավոր

 | 

որակել

 | 
Most Popular (6 hours)

Most Popular (24 hours)

Most Popular (a week)

Sources