Saturday 11 July 2020
Home      All news      Contact us      English
tert.am - 11 days ago

Իտալական Լոմբարդիան երկրի միակ շրջանն է մնացել, որտեղ բաց տարածքներում դիմակ դնելը պարտադիր է

Իտալական Լոմբարդիա շրջանը երկրի միակ շրջանն է մնացել, որտեղ կորոնավիրուսի համավարակի հետ կապված՝ բաց տարածքներում դիմակ կրելը պարտադիր է, հայտնում է ՌԻԱ Նովոստի գործակալությունը։ Այս շրջանի ղեկավար Աթիլիո Ֆոնտանան հրամանագիր է ստորագրել, ըստ որի՝ անհատական պաշտպանության այս միջոցի օգտագործումը երկու շաբաթ ժամկետով երկարաձգվում է հյուսիսիտալական այս շրջանի բնակիչների համար։ Բացառություն է արվել միայն ակտիվ սպորտով՝ հիմնականում բաց տարածքում վազքով կամ արագ քայլքով զբաղվողների համար։ Այժմ շոգ է, շատ շոգ է, սակայն վարակաբանների կարծիքով՝ դեռևս վարակումը կանխելու համար անհրաժեշտ է զգուշավորություն դրսևորել և դիմակ կրել։ Չնայած որ դա անհարմար է, հատկապես այս հուլիսյան շոգին, ես կարծում եմ, որ անհրաժեշտ է մինչև հուլիսի 14-ը շարունակել դիմակ կրել։ Ինչպես տեսնում եք, ես նույնպես կրում եմ, զոհողության եմ գնում ,- նախօրեին ֆեյսբուքյան իր օգտահաշվում գրել է Լոմբարդիայի ղեկավարը։ Պաշտոնական տեղեկությունների համաձայն՝ Լոմբարդիայում է գրանցվել նոր տեսակի կորոնավիրուսով երկրում ընդհանուր վարակման դեպքերի 40 և մահվան ելքով դեպքերի 48 տոկոսը։ Ֆոնտանան ընդգծել է, որ ձեռքերը հաճախ լվանալը, սոցիալական հեռավորությանը հետևելը և դիմակ դնելը թույլ են տվել հոսպիտալացման կարիք ունեցող հիվանդների թիվն էապես նվազեցնել, մասնավորապես՝ օգնել են ինտենսիվ թերապիայի բաժանմունքի ծանրաբեռնվածությունը թուլացնելու հարցում։


Latest News
Hashtags:   

Իտալական

 | 

Լոմբարդիան

 | 

երկրի

 | 

շրջանն

 | 

մնացել

 | 

որտեղ

 | 

տարածքներում

 | 

դիմակ

 | 

դնելը

 | 

պարտադիր

 | 
Most Popular (6 hours)

Most Popular (24 hours)

Most Popular (a week)

Sources