Saturday 11 July 2020
Home      All news      Contact us      English
azatutyun - 11 days ago

Մարտի 1-ի գործով դատական նիստն ընդմիջվեց մինչև հուլիսի 7-ը

Մարտի 1-ի գործով գլխավոր ամբաստանյալ, Հայաստանի երկրորդ նախագահ Ռոբերտ Քոչարյանի և նրա նախկին երեք ենթակաների գործով դատական նիստին փաստաբանները հայտարարեցին, թե դատարանում ապահովված չեն անվտանգության կանոնները, ինչը վտանգավոր է կորոնավիրուսի տարածման համար։ Այսօր սպասվում էր, որ դատարանը կքննի անցած նիստին դատախազների ներկայացրած միջնորդությունը, որով պահանջվում է սահմանափակել դատական նիստի նախապատրաստական մասը, երբ փաստաբանների կողմից տարատեսակ միջնորդություններ ներկայացնելու պատճառով դատաքննության փուլ թևակոխել չի ստացվում: Դատարանը ընդմիջում հայտարարեց՝ նիստերի դահլիճը նոր կանոններին հարմարեցնելու համար։ Նիստը կշարունակվի հուլիսի 7-ին։ Մինչ այդ, Սահմանադրական կարգը տապալելու համար մեղադրվող Յուրի Խաչատուրովի փաստաբան Միհրան Պողոսյանը հայտարարեց, որ շփվել է վարակակրի հետ, իր թեստը բացասական է եղել. – «Չնայած բժշկական գաղտնիք է և այլն, և այլն, բայց ես էսքան մանրացա, որ տարբեր շահարկումներից խուսափենք: Ես ինքս հասկանալով, որ կարող ա խնդրահարույց լինի, էս պահին տեղ չեմ զբաղեցրել, և էս ամեն ինչը ներկայացնելով դատարանին... քննարկեք, հնարավոր համարում ենք, թե չէ»: Պաշտոնաթող նախագահի փաստաբանները միացան Յուրի Խաչատուրովի և Սեյրան Օհանյանի փաստաբանների պահանջին՝ այնպես անել, որ դատական նիստերի դահլիճում ապահովվի սոցիալական հեռավորությունը։ Հայկ Ալումյանն ասաց, որ անհրաժեշտության դեպքում իրենք կարող են ընդմիջում խնդրել, որպեսզի մոտենան իրենց պաշտպանյալին և խորհրդակցեն նրա հետ այս կամ այն հարցով. – «Բայց քանի դեռ դատարանը էդ հնարավորությունը մեզ չի տվել, որ էդ սոցիալական հեռավորությունը պահենք, ոչ միայն պարոն Պողոսյանից, [այլև] մեզանից յուրաքանչյուրս յուրաքանչյուրիցս, ապա ես կարծում եմ, որ էս դատավարությունը, ընդհանրապես էս կարգը, որով հիմա սա ընթանում է, ընդհանրապես ուղիղ հակասում է էն բոլոր հայտարարություններին, որ մենք ամեն օր մեր գործադիր իշխանությունից լսում ենք»: Ռոբերտ Քոչարյանի և մյուսների դատական նիստերն անցկացվում են Երևանի ընդհանուր իրավասության դատարանի Շենգավիթի նստավայրում, որի նիստերի դահլիճն ամենամեծն է։ Դատավոր Աննա Դանիբեկյանը հարցրեց՝ եթե մի մասը տեղափոխվի դահլիճչի մյուս հատված, հնարավոր է այդպես շարունակել նիստերը։ Ի պատասխան Քոչարյանն ասաց, որ հնարավոր չի գտնում՝ առաջարկելով կես ժամով ընդհատել նիստն ու ախտահանել նիստերի դահլիճը։ Դանիբեկյանն ասաց, թե դա տեխնիկապես հնարավոր չէ: Դատախազ Գևորգ Բաղդասարյանն համաձայնեց, որ սոցիալական հեռավորությունը պետք է պահել, բայց իր մոտ այլ տպավորություն է ստեղծվում. – «Տպավորություն է ստեղծվում, որ մենք գործ ունենք դատական նիստերն անհնարին դարձնելու նոր մոտիվի հետ: Ինչո՞ւ: Որովհետև խոսում ենք արդեն դատական նիստերի դալիճն ախտահանելու վիճակագրության մասին: Մենք կորոնավիրուսային հիվանդության համավարակի պայմաններում ապրում ու աշխատում ենք արդեն մի քանի ամիս, և էսպիսի հարցեր, չգիտես ինչի, չէին քննարկվում»:


Latest News
Hashtags:   

Մարտի

 | 

գործով

 | 

դատական

 | 

նիստն

 | 

ընդմիջվեց

 | 

մինչև

 | 

հուլիսի

 | 
Most Popular (6 hours)

Most Popular (24 hours)

Most Popular (a week)

Sources