Saturday 11 July 2020
Home      All news      Contact us      English
tert.am - 11 days ago

Բազմաթիվ պետություններ ամբողջությամբ չեն ընդունել Վենետիկի հանձնաժողովի եզրակացությունները. Նիկոլայ Բաղդասարյան

Սխալ էին թարգմանել Վենետիկի հանձնաժողովի նախագահ Ջիանի Բուքիքիոյի՝ Հրայր Թովմասյանին ուղղված նամակը, որտեղ նա նշել էր, որ իրենց առաջարկություններն ամբողջությամբ չեն ընդունել, սակայն մամուլում հրապարակվել էր, որ հանձնարարություններն ամբողջությամբ չեն ընդունվել: Այս մասին լրագրողների հետ ճեպազրույցում ասաց ԱԺ Իմ քայլը խմբակցության պատգամավոր Նիկոլայ Բաղդասարյանը:

Այն խորհրդատվական բնույթ կրող կառույց է, որտեղ փորձագետները խորհուրդ են տալիս, թե ինչպիսի իրավական ակտ պետք է տվյալ պետությունն ընդունի: Տարբեր պետություններ, որպես կանոն, միշտ չէ, որ ամբողջությամբ այդ փաստաթուղթն ընդունում են: Բազմաթիվ պետություններ ամբողջությամբ չեն ընդունել Վենետիկի հանձնաժողովի եզրակացությունները ,-ասաց պատգամավորը: Նա նշեց, թե Վենետիկի հանձնաժողովը առաջարկում էր մինչև դատավոր նշանակելը դատարանի կայունություն ապահովել՝ մինչև դատավոր նշանակելը դատավորները շարունակեն պաշտոնավարել, այնուհետև նոր դատավոր նշանակելու պահին իրենց լիզորությունները դադարեն:

Սակայն դրա խնդիրը բացարձակապես չկա, որովհետև այս փոփոխության արդյունքում ՍԴ պահանջները չեն խաթարվում: ՍԴ-ում շարունակում է գործել 6 դատավոր, որոնք բավարար են քվորումի համար ,-ասաց պատգամավորը՝ նշելով, թե այդ հանգամանքից ելնելով հասկացել են՝ Վենետիկի հանձնաժողովի այդ առաջարկությունը տրամաբանական չէ:

Դիտարկմանը, թե որպես թեկնածու շրջանառվում է ՀՀ զինվորական նախկին դատախազ Գագիկ Ջհանգիրյանի անունը, Բաղդասարյանը պատասխանեց, թե նրա տարիքը, կրթությունը հանապատասխանում են պահանջներին, այլ հարց է՝ համապատասխան մարմինները կառաջադրե՞ն իրեն՝ որպես թեկնածու, թե՞ ոչ: Ես կարծում եմ, որ Հայաստանում կան շատ հնարավոր թեկնածուներ, որոնք ունեն այդ գիտելիքները, որոնցով կարող են նրանց առաջադրել որպես թեկնածու :

Դիտարկմանը, թե շրջանառվում է նաև նախկին օմբուդսմեն Կարեն Անդրեասյանի անունը, Բաղդասարյանն արձագանեց՝ նա էլ կարող է թեկնածու լինել, քանի որ համապատասխանում է կրթական, տարիքային պահանջներին:


Latest News
Hashtags:   

Բազմաթիվ

 | 

պետություններ

 | 

ամբողջությամբ

 | 

ընդունել

 | 

Վենետիկի

 | 

հանձնաժողովի

 | 

եզրակացությունները

 | 

Նիկոլայ

 | 

Բաղդասարյան

 | 
Most Popular (6 hours)

Most Popular (24 hours)

Most Popular (a week)

Sources