Saturday 11 July 2020
Home      All news      Contact us      English
tert.am - 11 days ago

Իրավական ակտով չի կարող ֆիքսվել, թե ՍԴ որ դատավորի լիազորություններն են դադարել. Սահմանադրության հիմնավորումներում է գրված, թե ումն է դադարում. Նիկոլայ Բաղդասարյան

Չի կարող լինել որևէ իրավական ակտ, որ ֆիքսի, որ ՍԴ դատավորների լիազորությունները դադարել են: Դա Սահմանադրության մեջ գրված է՝ առանձին, անհատական, իրավական ակտ չպետք է լինի: Այս մասին լրագրողների հետ ճեպազրույցում ասաց ԱԺ Իմ քայլը խմբակցության պատգամավոր Նիկոլայ Բաղդասարյանը՝ անդրադառնալով սահմանադրական փոփոխություններին:

Օրինակ՝ երբ նշանակում են պաշտոնի, կնքվում է աշխատանքային պայմանագիր. Ո՛չ իրենց հետ, ո՛չ ինձ հետ պայմանագիր չի կնքվել, և երբ ժամկետը լրանում է, ես դադարում եմ լինել պատգամավոր: Նույն ընթացակարգն է: Սահմանադրությամբ ամրագրվում է, որ իմ ժամկետը դադարել է: Սահմանադրությամբ ամրագրվել է, որ իրենց ժամկետը դադարել է: Սահմանադրության հիմնավորումներ կան, որտեղ մենք՝ որպես պատգամավորներ, արձանագրել ենք, որ Ալվինա Գյուլումյանի ժամկետն է դադարում: Այսինքն՝ միայն Սահմանադրությունը չէ, որ իրավական հիմք է, այլև Սահմանադրության փաստաթղթի հիմնավորումների մեջ էլ է գրած, թե ում լիազորություններն են դադարում ,-ասաց պատգամավորը:

Հարցին՝ Հրայր Թովմասանի՝ արձակուրդում գտնվելը կարո՞ղ է իրավական ինչ-որ խնդիր առաջացնել, որ նրա լիազորությունները դադարեցվեն, Բաղդասարյանը պատասխանեց.

Երբ մենք Սահմանադրությունը բերել ենք ԱԺ, դրա հետ եղել է հիմնավորում փաստաթուղթը, որում մանրամասն նկարագրված է, որ Թովմասյանի լիազորությունները՝ որպես ՍԴ նախագահ, դադարում են, և այդ հիմնավորմամբ էլ մենք կողմ ենք քվեարկել: Մենք կողմ ենք քվեարկել մի փաստաթղթի, որը արձանագրում է, որ Հրայր Թովմասյանի լիազորությունները՝ որպես ՍԴ նախագահ, դադարում են, և Ալվինա Գյումյանի լիազորությունները՝ որպես դատարանի անդամ, ևս դադարում են :

Դիտարկմանը, թե ՍԴ դատավորները հայտարարել են, որ պատրաստ են հարցը վիարկել մինչև ՄԻԵԴ, պատգամավորն արձագանքեց, թե ՍԴ դատավորները հնարավորություն ունեն բոլոր հարցերով վիճարկել դատական, վարչական կարգով:

Ես ողջունում եմ, որ իրենք ցանկանում են վիճարկել այդ որոշումները, որևէ առարկություն չունեմ, որ իրենց իրավունքները իրենք պաշտպանելու խնդիր ունեն, և հակառակը՝ դա ցույց է տալիս իշխանության կամքը, որ այս ժամանակահատվածում՝ մեր իշխանության օրոք, դատավորները որևէ խնդիր չունեն վիճարկելու իրենց՝ ենթադրյալ խախտված իրավունքները ,-ասաց նա:

Ինչ վերաբերում է հարցին՝ հնարավո՞ր չէր այսօր ԱԺ-ում քննարկվող փաթեթը ներառել նախագծի նախնական տարբերակում, Բաղդասարյանը պատասխանեց, թե դա հնարավոր չէր լինի. Ի սկզբանե անհրաժեշտ էր ընդունել Սահմանադրության փոփոխությունը, որից հետո՝ այս օրենքը: Անտրամաբանական կլիներ Սահմանադրության փոփոխությունից առաջ կամ զուգահեռ ընդունել՝ դեռ չիմանալով՝ սահմանադրական փոփոխությունն ուժի մեջ կմտնի՞, թե՞ ոչ ,-նշեց Բաղդասարյանը:

Դիտարկմանը՝ այդ դեպքում ինչու՞ էր ԱԺ նախագահ Արարատ Միրզոյանը ՍԴ դատավոր Աշոտ Խաչատրյանին ներկայացնում որպես ՍԴ նախագահի ԺՊ, վարչապետն իր ֆեյսբուքյան էջում շնորհավորում էր, իսկ Աշոտ Խաչատրյանն ասել էր, որ անշուշտ ինքը չի կարող համարվել ՍԴ նախագահի ԺՊ, պատգամավորն արձագանքեց.

Ուրիշ մարդ չի կարող համարվել, որովհետև գրված է, որ ամենամեծ տարիք ունեցողը կարող է համարվել պաշտոնակատար: Ես ուղղակի չգիտեմ՝ ով է ավելի մեծ տարիք ունեցողը. եթե ինքն է, ինքը պետք է համարվի: Իրավական տեսանկյունից այլ անձ չի կարող, ինչ-որ մեկը պե՞տք է նախագահ լինի :


Latest News
Hashtags:   

Իրավական

 | 

ակտով

 | 

կարող

 | 

ֆիքսվել

 | 

դատավորի

 | 

լիազորություններն

 | 

դադարել

 | 

Սահմանադրության

 | 

հիմնավորումներում

 | 

գրված

 | 

դադարում

 | 

Նիկոլայ

 | 

Բաղդասարյան

 | 
Most Popular (6 hours)

Most Popular (24 hours)

Most Popular (a week)

Sources