Saturday 11 July 2020
Home      All news      Contact us      English
tert.am - 11 days ago

ԱՄՆ օրենսդիրները Թրամփից բացատրություն են պահանջում Ռուսաստանի կողմից գաղտնի առաջարկված պարգևատրումների հարցով

Ամերիկացի դեմոկրատ և հանրապետական օրենսդիրները երկրի նախագահ Դոնալդ Թրամփից պատասխան են պահանջում լրատվամիջոցներում տարածված այն տեղեկության վերաբերյալ, ըստ որի՝ ԱՄՆ հետախուզությունը պարզել է, որ ՌԴ ռազմական հետախուզության ստորաբաժանումներից մեկը գաղտնի պարգևատրում է խոստացել Թալիբան շարժման հետ կապված գրոհայիններին՝ Աֆղանստանում ամերիկյան և կոալիցիոն ուժերի ներկայացուցիչներին սպանելու համար:

Այս մասին գրում է The Hill-ը՝ նկատելով, որ այժմ նախագահից պատասխան են պահանջում անգամ իր իսկ կուսակիցները, որոնք, որպես կանոն, չեն ընդհարվում Թրամփի հետ:

Հայտնի է, որ նախագահն ի պատասխան սկանդալային հրապարակման ասել էր, որ ինքը մեղավոր չէ և պատասխանատվություն չի կրում, քանի որ հետախուզությունն իրեն այդ մասին չի զեկուցել:

Կոնգրեսի հանրապետական և դեմոկրատ ներկայացուցիչները, անհանգստացնող և ահավոր որակելով Ռուսաստանի գործողություները, նշել են, որ Թրամփի վարչակազմը պետք է անհապաղ բացատրություն տա:

Նշենք, որ Թրամփը պատվիրված է անվանել The New York Times-ի հոդվածն այն մասին, որ ռուսական հետախուզությունն, իբրև թե, պարգևատրում է խոստացել Թալիբան շարժման գրոհայիններին Աֆղանստանում ամերիկացի զինվորների վրա հարձակվելու համար:

Հավանաբար, դա The New York Times-ի հերթական պատվիրված հոդվածն է, ինչպես եղել էր Ռուսաստանի մասին անհաջող կեղծ հայտարարության (2016-ի ընտրությունների ժամանակ ԱՄՆ-ի և Մոսկվայի միջև պայմանավորվածության վերաբերյալ) դեպքում: Ո՞վ է նրանց աղբյուրը ,- ԱՄՆ առաջնորդը գրել է իր թվիթերյան էջում:

Ոչ ոք չի զեկուցել ինձ, փոխնախագահ Մայք Փենսին կամ Սպիտակ տան վարչակազմի ղեկավար Մարկ Մեդոուսին Աֆղանստանում մեր զորքերի դեմ այսպես կոչված՝ ռուսական հարձակումների մասին, ինչպես հայտնել է անանուն աղբյուրը The New York Times կեղծ ԶԼՄ-ի միջոցով: Բլորը դա հերքում են, բացի այդ, մեր դեմ առանձնապես հարձակումներ շատ չեն եղել ,- հավելել է Թրամփը:




Latest News
Hashtags:   

օրենսդիրները

 | 

Թրամփից

 | 

բացատրություն

 | 

պահանջում

 | 

Ռուսաստանի

 | 

կողմից

 | 

գաղտնի

 | 

առաջարկված

 | 

պարգևատրումների

 | 

հարցով

 | 
Most Popular (6 hours)

Most Popular (24 hours)

Most Popular (a week)

Sources