Saturday 11 July 2020
Home      All news      Contact us      English
tert.am - 11 days ago

Մոսկվայի բնակիչները պարզել են, որ ինչ-որ մեկն իրենց փոխարեն տնից քվեարկել է սահմանադրական փոփոխությունների օգտին. քաղաքի մեկ այլ շրջանում տնից քվեարկողների թիվն ավելացել է մի քանի անգամ

Մոսկվայի բնակիչները սխալ կամ կեղծիք են հայտնաբերել սահմանադրական փոփոխությունների հարցով համառուսաստանյան քվեարկության անցկացման ժամանակ. ամուսինները գնացել են Լեֆորտովոյի № 1403 ընտրատեղամաս քվեարկելու, և հայտնաբերել են, որ ընտրական հանձնաժողովի փաստաթղթերում տեղեկություն կա այն մասին, որ իրենք, ինչպես նաև իրենց երեխաներն արդեն քվեարկել են: Հանձնաժողովի գրանցամատյանում նշված են եղել նրանց անձնագրային տվյալները, ինչպես նաև քվեաթերթիկ ստանալու համար իրենց ստորագրությունները, տեղեկացնում է ընդդիմադիր գործիչ Ալեքսեյ Նավալնիի մոսկովյան շտաբը: Բնակիչները հայտարարել են, որ իրենք չեն քվեարկել: Ընտրական հանձնաժողովի անդամը դա սխալ է անվանել և ներողություն է խնդրել: Մոսկվայում համառուսաստանյան քվեարկությունը հսկող հանրային շտաբի պետի առաջին տեղակալ Վադիմ Կովալևի Մոսկվայի քաղաքային ընտրական հանձնաժողովին ուղղված նամակում ասված է, որ ամուսինների տվյալները սխալմամբ ներառել են տնից քվեարկածների ցանկում: Նա հանձնաժողովին կոչ է արել տնից քվեարկածների այդ փաթեթում առկա բոլոր քվեաթերթիկներն անվավեր ճանաչել, իսկ ընտրական հանձնաժողովի նախագահին և քարտուղարին պատասխանատվության ենթարկել: Մոսկվայի մեկ այլ շրջանում՝ Ռամենկիում, հայտնաբերել են տնից քվեարկողների թվի զգալի ավելացում: Այս մասին ֆեյսբուքյան էջում տեղեկացրել է տարածքային ընտրական հանձնաժողովի անդամ Կիրիլ Տրոֆիմովը: Ըստ նրա հունիսի 26-ի երեկոյան դրությամբ այսինքն քվեարկության երկրորդ օրվա վերջին, քվեարկել էր 400-500 մարդ, այսինքն՝ գրեթե յուրաքանչյուր 4-րդ ընտրող: Տրոֆիմովը հայտնաբերել էր նաև, որ տեղամասային ընտրական հանձնաժողովի տվյալները տնից քվեարկողների մասին տարբերվում են տարածքային ընտրական հանձնաժողովների տվյալներից: Ինչպես ավելի վաղ տեղեկացրել էր Tert.am-ը, Մոսկվայի բնակիչներին գումարի դիմաց սկսել են առաջարկել գրանցվել mos.ru կայքում և առցանց քվեարկել սահմանադրական բարեփոխումների օգտին: Ամեն գրանցման համար խոստանում են վճարել 75 ռուբլի գումար, գրանցված օգտահաշվից քվեարկելու համար ևս 50 ռուբլի, օրական առաջարկում են գրանցել ամենաքիչը 20 օգտահաշիվ:


Latest News
Hashtags:   

Մոսկվայի

 | 

բնակիչները

 | 

պարզել

 | 

իրենց

 | 

փոխարեն

 | 

քվեարկել

 | 

սահմանադրական

 | 

փոփոխությունների

 | 

օգտին

 | 

քաղաքի

 | 

շրջանում

 | 

քվեարկողների

 | 

ավելացել

 | 

անգամ

 | 
Most Popular (6 hours)

Most Popular (24 hours)

Most Popular (a week)

Sources