Saturday 11 July 2020
Home      All news      Contact us      English
tert.am - 11 days ago

Գույքահարկի հետ կապված ստացված առաջարկները, որքան էլ զարմանալի լինի, եղել են ոչ թե հարկումը մեղմացնող, այլ խստացնող բնույթի. Բաբկեն Թունյան (տեսանյութ)

Առաջարկներ ստացվել են, որքան էլ զարմանալի լինի, այդ առաջարկների մեծ մասը եղել են ոչ թե մեղմացնող, այլ խստացնող բնույթի: Այս մասին կառավարության մամուլի կենտրոնում հրավիրված մամուլի ասուլիսին, որը վերաբերում է գույքահարկի բարձրացմանը, հայտարարեց ՀՀ ԱԺ տնտեսական հարցերի մշտական հանձնաժողովի նախագահ Բաբկեն Թունյանը:

Օրինակ, առաջարկ է եղել դիտարկել ոչ միայն մարդկանց առանձին գույքերը՝ որպես առանձին միավորներ, այլ նայել կոնկրետ անձը քանի գույք ունի, դրանց ընդհանուր գումարը հաշվել և այդ ամբողջական արժեքով հարկել, ինչի հետևանքով շեմն ավելի բարձր կլիներ և ավելի բարձր կվճարեին: Չենք ընդունել այդ առաջարկը, որովհետև կարծում ենք դրա տեխնիկական իրագործումն ավելի մեծ խնդիրների առաջ է կանգնեցնելու, բացի այդ այս պահին չենք ցանկացել լրացուցիչ ավելացնել բեռը ,- ասաց նա:

Թունյանը նշեց, որ առաջարկ է եղել, օրինակ, սահմանել օգտագործվող և չօգտագործվող հասարակական և արտադրական նշանակության օբյեկտների տարբերակված գույքահարկը: Այսինքն, եթե այդ շինությունը օգտագործվում է, նրա գույքահարկը լինում է ինչ-որ գումար, եթե չի օգտագործվում, ապա գումարը լինի մի քանի անգամ ավելի, որ դա լրացուցիչ խթան լինի, որ մարդիկ աշխատացնեն: Այդ դեպքում էլ քանի որ հստակ չափորոշիչներ սահմանելու և իրագորրծելիության խնդիր կա, թողել ենք այդ համակարգը հետագայի համար ,- շեշտեց նա:

Մյուս թևի առաջարկներն, ըստ Թունյանի, եղել են, որ այս ռեֆորմն այս պահին պետք չէ անել, իսկ իրենք գտնում են, որ ռեֆորմը մի բան էլ ուշացած էր:




Latest News
Hashtags:   

Գույքահարկի

 | 

կապված

 | 

ստացված

 | 

առաջարկները

 | 

որքան

 | 

զարմանալի

 | 

հարկումը

 | 

մեղմացնող

 | 

խստացնող

 | 

բնույթի

 | 

Բաբկեն

 | 

Թունյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources