Saturday 11 July 2020
Home      All news      Contact us      English
tert.am - 11 days ago

Գույքահարկի ավելացումը բիզնեսի վրա կարող է խթանող ազդեցություն ունենալ. Բաբկեն Թունյան

Կառավարության մամուլի կենտրոնում կազմակերպված ասուլիսում ՀՀ ԱԺ տնտեսական հարցերի մշտական հանձնաժողովի նախագահ Բաբկեն Թունյանը, անդրադառնալով գույքահարկի դրույքաչափի փոփոխությանը և այն խնդրին, որ կենտրոնում ապրող թոշակատռուները կարող են գույքահարկը չվճարել, նրանց ժառանգորդները վճարեն, կամ այն գնորդը, որ կգնի այդ տունը, ասաց, որ պրակտիկորեն անհնար է հաշվել, թե քանի մարդ նման վիճակում կլինի:

Որովհետև մենք պետք է հստակ իմանանք, թե մեր համաքաղաքացիներից քանիսն են, որ ապրում են թանկարժեք բնակարաններում, իրենց գույքահարկը որքան է լինելու, հետո կարողանան համադրել այդ մարդկանց իրական եկամուտների հետ, հասկանան՝ նրանք իրականում թոշակից բացի այլ աղբյուր ունե՞ն, թե՞ չունեն ,- ասաց պատգամավորը:

Թունյանը նշեց, որ երեկ մի վիճակագրույթուն է ներակայացրել, որ ՀՀ-ում կա ընդամենը 9500 բնակարան կամ ընդհանուր բնակարանների 2,5 տոկոսը, որոնց գույքահարկը տարեկան 64 հազար դրամից բարձր է լինելու: Այսինքն եթե 9500-ի մեջ կլինեն բոլորը թոշակառուներ, ինչը խիստ անհավանական է, այդ դեպքում կան տարբեր մեխանիզմներ, եթե իրապաես մարդու եկամտի միակ աղբյուրը միայն թոշակն է, այդ թոշակն օրենքով արգելանքի տակ դրվելու ենթակա չէ: Բացի դրանից կան այլ մեխանիզմներ, համայնքի ավագանին ունի իր գույքահարկի եկամուտների 10 տոկոսի չափով ֆոնդ, որով կարող է այդ շրջանակներում արտոնություն տալ կոնկրետ մարդկանց, չեղարկել գույքահարկը կամ հետաձգել կամ զեղչով ինչ-որ բաներ անել, այդ 10 տոկոսը միանգամայն բավարար է այդ մարդկանց խնդիրները լուծելու համար ,- նշեց նա:

Հարցին ՝ կան շատ մարդիկ, որոնք իրենց բիզնեսը հիմնել են կենտրոնում մեծ տարածքներ վարձակալելով, արդյոք սա մեծ բեռ չի լինի նրանց համար և անշարժ գույքի շուկայում կարո՞ղ են խնդիրներ առաջանալ, գնանկումներ տեղի ունենալ, Թունյանն արձագանքեց. Եթե նայում ենք, օրինակ, թե ինչքանով են ավելանում գույքահարկերը ու նայում ենք բիզնեսների եկամտաբերության մակարդակի վրա, իմ կարծիքով ,այդ ազդեցություն այնքան չնչին է, որ դրա մասին անգամ խոսելու կարիք չկա :

Ավելին ասեմ, բիզնեսի վրա սա կարող է խթանող ազդեցություն ունենալ, որովհետև եթե մարդիկ ժամանակին կոպեկներով որևէ գույք են սեփականաշնորհել ու իրենց համար դա պահելը գույքահարկ վճարելը ոչինչ չարժեր, որովհետև գույքահարկը շատ ցածր էր, այն գործարարը սկսնակ կամ որոշակի մակարդակի հասած, որ ուզում է ինչ-որ գույք ձեռք բերել, կանգնում է լուրջ խնդրի առաջ, իրենք պարզապես այդ գույքը չեն կարողանում սեփականատիրոջից հարմար գնով գնել, կամ վերցնել վարձակալության: Գույքահարկերի ավելացումը այդ չօգտագործվող գույքերի համար ստիպելու է այն մարդկանց, որոնք ունեն հնուց իրենց սեփականությունը հանդիսացող տարածքներ կամ դրանք աշխատացնել, կամ վարձով տալ ու վաճառել այն մարդկանց, որոնք ցանկություն ունեն դա օգտագործելու ,- հայտարարեց նա:


Latest News
Hashtags:   

Գույքահարկի

 | 

ավելացումը

 | 

բիզնեսի

 | 

կարող

 | 

խթանող

 | 

ազդեցություն

 | 

ունենալ

 | 

Բաբկեն

 | 

Թունյան

 | 
Most Popular (6 hours)

Most Popular (24 hours)

Most Popular (a week)

Sources