Saturday 11 July 2020
Home      All news      Contact us      English
tert.am - 12 days ago

Նյու Յորքի քաղաքապետը ոստիկանության բյուջեն կկրճատի 1 մլրդ դոլարով. քաղաքը կարող է վերադառնալ 1990-ականների հանցավորության անվերահսկելի մակարդակին

Նյու Յորքի քաղաքապետ Բիլ դե Բլազիոն հայտարարել է, որ մտադիր է քաղաքի ոստիկանության 6 մլրդ դոլար ծավալով բուջեն կրճատել: Խոսքը 1 մլրդ դոլարի մասին է, գրում է Daily Mail-ը:

Քաղաքապետարանում պաշտոնապես արված հայտարարությունը մտահոգության լուրջ առիթ է տվել քաղաքի գործարարներին, բիզնես-սեփականատերերին: Նրանք ենթադրում են, որ ոստիկանության բյուջեի կրճատումը կարող է հանգեցնել քաղաքում հանցավորության մակարդակի աճի: Նրանք չեն բացառել, որ հանցավորության մակարդակը կարող է հասնել 1990-ական թվականների ցուցանիշների անվերահսկելի մակարդակին:

Հատկանշական է, որ Դե Բլազիոն վիճահարուց որոշումը կայացրել է մի ժամանակահատվածում, երբ Նյու Յորքում զգալի շատացել են հանցագործությունները, կողոպուտը, հրազենի կիրառմամբ հարձակումները:

Քաղաքապետը նշել է, որ կորոնավիրուսային համավարակի ընթացքում քաղաքը կորցրել է 9 մլրդ դոլար: Նա բացատրել է, որ ոստիկանության բյուջեի կրճատումը պայմանավորված է և՛ քաղաքի բյուջեի պակասորդով, և՛ վերջին շրջանում ԱՄՆ-ում նոր թափ առած հակառասիստական բողոքի ակցիաներով: Քաղաքապետը մանրամասնել է, որ այդ ակցիաներն իրեն ոգեշնչել են նման որոշում կայացնել:

Հիշեցնենք, որ ԱՄՆ-ում բողոքի մեծ ալիք է բարձրացել սպիտակամորթ ոստիկանի կողմից աֆրոամերիկացի իրավախախտ Ջորջ Ֆլոյդի սպանությունը: Ոստիկանն աֆրոամերիկացուն պառկեցրել է ասֆալտին և ծնկով այնքան սեղմած պահել վզին, որ վերջինս մահացել է: Այս դեպքից հետո երկրի տասնյակ քաղաքներում զանգվածային բողոքի ակցիաներ են անցկացվել: Նույնիսկ ոստիկանությունը փակելու և դրա ֆինանսավորումը դադարեցնելու առաջարկներ են հնչել, սակայն նախագահ Դոնալդ Թրամփն այդ տարբերակը միանգամից բացառել է:







Latest News
Hashtags:   

Յորքի

 | 

քաղաքապետը

 | 

ոստիկանության

 | 

բյուջեն

 | 

կկրճատի

 | 

դոլարով

 | 

քաղաքը

 | 

կարող

 | 

վերադառնալ

 | 

ականների

 | 

հանցավորության

 | 

անվերահսկելի

 | 

մակարդակին

 | 
Most Popular (6 hours)

Most Popular (24 hours)

Most Popular (a week)

Sources