Saturday 11 July 2020
Home      All news      Contact us      English
tert.am - 11 days ago

Դիմել ենք դատախազություն՝ ակնկալելով, որ իրավապահ համակարգի չափորոշիչը օրինականությունն ու արդարադատությունն է. Նաիրա Զոհրաբյանը՝ ԲՀԿ, ՀՅԴ, «Հայրենիք» կուսակցությունների հաղորդման մասին

Մենք դիմել ենք գլխավոր դատախազություն՝ ակնկալելով, որ իրավապահ համակարգի համար չափորոշիչը կլինի միայն օրենքը, օրինականությունը և արդարադատությունը։ Այս մասին այսօր դատախազության շենքի դիմաց լրագրողների հետ ճեպազրույցում ասաց ԱԺ Բարգավաճ Հայաստան խմբակցության պատգամավոր Նաիրա Զոհրաբյանը՝ անդրադառնալով Բարգավաճ Հայաստան , ՀՅԴ և Հայրենիք կուսակցությունների կողմից գլխավոր դատախազություն ներկայացված հանցագործության մասին հաղորդմանը։

Ուզում ենք ապավինել իրավապահ համակարգի, տվյալ դեպքում՝ գլխավոր դատախազության ողջախոհությանը։ Ներկայացված փաստերն առավել քան հիմնավոր են, առավել քան անբեկանելի են և մենք ուզում ենք ակնկալել, որ դատախազությունը կառաջնորդվի բացառապես օրենքով և օրինականությամբ ,- նշեց նա։

Դիտարկմանը, որ դժգոհություններ ունեիք Բարգավաճ Հայաստան խմբակցության ղեկավար Գագիկ Ծառուկյանին անձեռնամխելիությունը զրկելու դատախազության ներկայացրած միջնորդության վերաբերյալ, Նաիրա Զոհրաբյանը նշեց. Ես շարունակում են գլխավոր դատախազության՝ ԱԺ ներկայացրած միջնորդության վերաբերյալ ունենալ իմ մեծ վերապահումները՝ վստահ լինելով, որ այդտեղ իրավական որևէ հիմք չկար, բայց դա չի նշանակում, որ մենք պետք է ձեռնպահ մնանք։ Մենք դիմել են դատախազություն՝ ակնկալելով, որ գլխավոր դատախազության համար չափորոշիչը կլինի միայն օրենքը, օրինականությունը և արդարադատությունը ։

Հիշեցնենք, որ Բարգավաճ Հայաստան , Հայ Յեղափոխական Դաշնակցություն և Հայրենիք կուսակցությունները ՀՀ գլխավոր դատախազություն են դիմել՝ ներկայացնելով հանցագործության մասին հաղորդում և պահանջելով քրեական գործ հարուցել օրենսդիր իշխանության ներկայացուցիչների և բարձրաստիճան պաշտոնատար այլ անձանց մասնակցությամբ առանձնապես ծանր հանցանքներ կատարելու փաստերի առթիվ: Խոսքը սահմանադրական դատարանի լիազորությունների յուրացման և վերջին 2 տարվա ընթացքում ՍԴ նկատմամբ իրականացված գործողությունների մասին է։


Latest News
Hashtags:   

Դիմել

 | 

դատախազություն՝

 | 

ակնկալելով

 | 

իրավապահ

 | 

համակարգի

 | 

չափորոշիչը

 | 

օրինականությունն

 | 

արդարադատությունն

 | 

Նաիրա

 | 

Զոհրաբյանը՝

 | 

Հայրենիք

 | 

կուսակցությունների

 | 

հաղորդման

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources