Saturday 11 July 2020
Home      All news      Contact us      English
tert.am - 11 days ago

Եկամտահարկի համահարթեցմամբ մեզ մեղադրեցին պրոգրեսիվության վերացման համար, գույքահարկի փոփոխություններով վերականգնում ենք պրոգրեսիվությունը. Ատոմ Ջանջուղազյան

Եկամտային հարկի համահարթեցման համար մենք քննադատության ենթարկվեցինք, որ վերացվում է պրոգրեսիվությունը, այսինքն՝ շատ եկամուտ ստացողից շատ հարկ գանձելու մոտեցումն է դուրս մնում, ինչին ի պատասխան՝ մենք ասում էինք, որ պրոգրեսիվությունը ձևական էր: Այս մասին Կառավարության մամուլի կենտրոնում կազմակերպված ասուլիսին հայտարարեց ՀՀ ֆինանսների նախարար Ատոմ Ջանջուղազյանը: Պրոգրեսիվության հասնելու ճանապարհ առաջարկվեց այն, որ կհարկվի ոչ թե կոնկրետ ժամանակահատվածի ստացված եկամուտը, այլ տեսանելի հարստությունը՝ տվյալ դեպքում խոսքը վերբաերում է գույքին և պրոգրեսիվություն կներմուծվի գույքի հարկման համակարգ: Բացի այն, որ այս թեզը դրեցինք փոփոխության հիմքում, նաև կար ակնհայտ փոխհամաձայնություն մի հարցի հետ կապված, որ կադաստրային արժեքները, որոնք գործում են գույքային հարկերի հաշվարկման համար, շատ հեռու են և դրանք ձևավորվել էին շատ վաղուց և հեռու են այդ նույն գույքային միավորների շուկայական արժեքներից ,- ասաց նա: Ջանջուղազյանի խոսքով՝ այս տրամաբանությունն էր դրված դեռևս այն ժամանակ, երբ հարկային օրենսգիրքն ընդունվեց և ուժի մեջ մտավ: Նախարարը նշեց, որ նախատեսվում էր այն պահին, երբ կվերանայվեն կադաստրային արժեքները կմոտարկվեն դրանք շուկայական արժեքներին, կսկսեն կիրառվել գույքային արժեքների հաշվարկման համար: Այդ փոփոխությունը նույնպես անցյալ տարի տեղի ունեցավ: Արդյուքնում մենք ունենք շուկայական արժեքների մոտարկման արդյունքները, ինչը հնարվորություն է տալիս արդեն կիրառության մեջ դնել այն մոտեցումը, ինչին միտված էր մինչ այդ նախաձեռնված միջոցառումները, դրանք իրենց վերջնական արտացոլումը գտան գույքահարկին վերաբերող այս փոփոխությունների մեջ ,- ասաց նա: Ջանջուղազյանը վստահեցրեց՝ փոփոխությունները կյանքի կոչելուց առաջ հսկայական վերլուծություն են արել: Նա նշեց, որ մեզանում առհասարակ հարկն ընկալվում է որպես բեռ: Մեր մոտեցումն այն է, որ դա ոչ թե բեռ է, այլ պահանջի իրավունք, որը վճարողը ձեռք է բերում այն ծառայությունների համար, որոնք պետական կամ համայնքի բյուջեն ենթադրվում է, որ օրենսդրությամբ պարտավորվել են մատուցել հանրությանը: Եթե այդ տեսակետից դիտարկվի, շատ ավելի ընկալելի կլինի երևույթը: Այս մոտեցումը պետք է չանտեսվի, մենք չենք հասել համայնքային կամ հանրային ծառայությունների այնպիսի որակի, որ կարող ենք համարել բավարարված: Չեք գտնի որևէ մեկին, որ համարի բավարարված իր բնակության միջավայրով, հետևաբար, ճանապարհը դրա դիմաց վճարելն է ,- ընդգծեց նա:


Latest News
Hashtags:   

Եկամտահարկի

 | 

համահարթեցմամբ

 | 

մեղադրեցին

 | 

պրոգրեսիվության

 | 

վերացման

 | 

համար

 | 

գույքահարկի

 | 

փոփոխություններով

 | 

վերականգնում

 | 

պրոգրեսիվությունը

 | 

Ջանջուղազյան

 | 
Most Popular (6 hours)

Most Popular (24 hours)

Most Popular (a week)

Sources