Monday 13 July 2020
Home      All news      Contact us      English
azatutyun - 14 days ago

Երևանում բազմացել ու ակտիվացել են թափառող շները

Մայրաքաղաքի Քաջազնունու փողոցի բնակիչները բողոքում թաղամասում թափառող շներից. սրանք ցերեկները շրջում են այգիներով ու բակերով, ինչի պատճառով շատերը երեխաներին թույլ չեն տալիս բակ դուրս գալ, իսկ գիշերները շների հաչոցը խաթարում է բնակիչների հանգիտը: Նվարդ Հովհաննիսյանը դիմել էր քաղաքապետարան. – «Քաղաքապետարանը ինձ ուղղորդեց Թափառող կենդանիների վնասազերծման կենտրոն, այնտեղից ինձ ասացին, որ իրենք զբաղվում են միայն շների ստերջացմամբ, որ շների հաչոցը դա իրենց հաղորդակցման միջոցն է, և իրենք այդ հարցով ոչինչ չեն կարող անել»: «Դուք շուն գիտե՞ք, որը չի հաչում: Միայն նրա համար, որ հաչում ա, վերցնենք տանե՞նք», - տարակուսում է կենտրոնի տնօրեն Հրաչյա Աղաբեկյանը: - «Եթե ձեզ դուր չի գալիս շան ներկայությունը, դա դեռ հիմք չի, որ մենք շանը այդտեղից տեղափոխենք: Շունը տեղափոխվում է, եթե ինքը ունի հիվանդություններ»: Սոցիալական ցանցերում մարդիկ ահազանգում են, որ վերջին շրջանում Երևանում շատացել ու ակտիվացել են թափառող շները: Աղաբեկյանը վստահեցնում է, որ այս պահին հարցի լուծման միակ տարբերակը ստերջացումն է: Սպանդը բացառվում է. թափառական շները քնեցվում են միայն այն ժամանակ, երբ անբուժելի հիվանդ են կամ հարձակում են գործել: Շներից վախեցողներին Թափառող կենդանիների վնասազերծման կենտրոնի տնօրենը հորդորում է. – «Սիրեք շանը»: Մարիամ Մացակյանը, իր ամուսինը և դուստրերը խնամում են փողոցում մնացած ութ շների: Իրենց տան պաշտպան երկու շներին նույնպես փողոցից են գտել վիրավոր ու հալածված: Տան շներ են եղել, ինչ-որ պահին այլևս տերերին պետք չեն եղել: Անօթևան շների հարցը լուծում չի ստանում նաև տնային շներին դուրս նետելու պատճառով: «Դինգո» կենտրոնում, հիմնադիր Օվսաննա Հովսեփյանի փոխանցամբ, շների մի մասը մարդու կողմից խեղված ու դուրս շպրտված կենդանիներ են: Հովսեփյանի կարծիքով, խնդրի լուծման ճանապարհներից մեկը տներում շների բուծումն արգելելն է. – «Պետք է միայն լիցենզավորված ակումբները կարողանան բուծել»: Խնդրի լուծումներից է համարվում նաև կացարանի տարբերակը: Թեպետ կենդանասերներն այնքան էլ հակված չեն այս մոտեցմանը, քաղաքապետարանում այսօր թեման քննարկվում է: Անպատասխան հարցերը դեռ շատ են, քաղաքային իշխանությունը կողմերից համբերություն և համերաշխություն է ակնկալում: Ասում են սպասեք ևս մի հինգ տարի, և թափառող շների հարցը կլուծվի, պաշտպանված կլինեն և շները, և մարդիկ:


Latest News
Hashtags:   

Երևանում

 | 

բազմացել

 | 

ակտիվացել

 | 

թափառող

 | 

շները

 | 
Most Popular (6 hours)

Most Popular (24 hours)

Most Popular (a week)

Sources