Saturday 11 July 2020
Home      All news      Contact us      English
tert.am - 18 days ago

Մոսկվայի զորահանդեսին որևէ երկրի առաջնորդի մասնակցելը լավացնում է ՌԴ-ի հետ հարաբերությունները, չմասնակցելը՝ վատթարացնում. սա ՀՀ-ի քաղաքական ընտրությունն է․ Սերգեյ Մարկով

Ճշգրիտ ոչինչ հայտնի չէ, կան գուշակումներ: Tert.am-ի հետ զրույցում այսպես ասաց ռուսաստանցի վերլուծաբան Սերգեյ Մարկովը՝ անդրադառնալով ռուսական շրջանակնրում շրջանառվող վարկածներին, որոնք վերաբերում են Հայաստաի վարչապետ Նիկոլ Փաշինյանի Մոսկվա այցի չեղարկման պատճառներին:

Վարկած է, որ դա նրա քաղաքական դիրքորոշումն է ,- ասաց նա՝ հավելելով, որ ինքը հաշվի առնելով, որ մի շարք երկրներ էլ կան, որոնք հրաժարվել են այցելել Մոսկվա, այն կարծիքին է, որ կա կոշտ հարկադրանք ԱՄՆ-ի կողմից, որ չմասնակցեն Հայրենական պատերազմի 75-րդ տարեդարձի միոցառումներին:

Հիշեցնենք, որ չնայած նրան, որ ի սկբանե հայտարարվել էր, որ վարչապետ Նիկոլ Փաշինյանը մասնակցելու է Հայրենական մեծ պատերազմի 75-րդ տարեդարձին նվիրված միջոցառումներին, այնուհետ նամակով Փաշինյանը Ռուսաստանի նախագահին տեղեկացրել էր, որ չեղարկում է իր այցը, քանի որ գոյություն ունեցող համաճարակային իրավիճակը թույլ չի տալիս իրականացնել այդ ուղևորությունը :

Սերգեյ Մարկովը վստահեցրեց, որ Մոսկվա այցը չեղարկողները վախենում են Միացյալ Նահանգներից: Դա Հայաստանի քաղաքական ընտրությունն է ,- ասաց նա:

Նա նաև նկատեց, որ դժվար թե, Ռուսաստանում վախենային կորոնավիրուսից, քանի որ կային բոլոր հնարավորությունները վարակից խուսափելու համար: Նրանք գնալու էին իրենց անձնական ինքնաթիռներով, միջոցառումներ այցելելու էին իրենց անձնական մեքենաներով, հետո գնալու էին նախատեսված վայրը, որտեղ կանգնած էին լինելու Վլադիմիր Պուտինն ու այլ բարձրաստիճան այրեր: Այնտեղ պահպանվելու են վարակի տարածումը կանխարգելող բոլոր կանոնները: Եվ ի վերջո, Փաշինյանն արդեն վարակվել է, նրանից վտանգ չի սպառնում: Այնպես որ չեմ կարծում, որ այցի չեղարկումը կապված է կորոնավիրուսի հետ, այլ պատճառներ կան ,- ասաց նա:

Նա նաև նշեց, որ Մոսկվայի համար հայրենական պատերազմի միջոցառուներին այլ երկրների մասնակցությունը շատ կարևոր էր, այնպես որ կցանկանար, որ երկրների ղեկավարները ներկա լինեին:

Սերգեյ Մարկովի խոսքով՝ Մոսկվայի փորձագիտական, քաղաքական շրջանակներում քննարկվում են իր նշած վարկածները, նաև այն, որ Հայաստանում ներքաղաքական խնդիրներն են շատ, և այցի չեղարկման պատճառ կարող են նաև դրանք լինել:

Իհարկե, Մոսկվայի զորահանդեսին որևէ երկրի առաջնորդի մասնակցությունը լավացնում է Ռուսաստանի հետ հարաբերությունները, չմասնակցելը՝ վատթարացնում ,- ասաց նա:

Հռիփսիմե Հովհաննիսյան




Latest News
Hashtags:   

Մոսկվայի

 | 

զորահանդեսին

 | 

երկրի

 | 

առաջնորդի

 | 

մասնակցելը

 | 

լավացնում

 | 

հարաբերությունները

 | 

չմասնակցելը՝

 | 

վատթարացնում

 | 

քաղաքական

 | 

ընտրությունն

 | 

Սերգեյ

 | 

Մարկով

 | 
Most Popular (6 hours)

Most Popular (24 hours)

Most Popular (a week)

Sources