Saturday 11 July 2020
Home      All news      Contact us      English
tert.am - 18 days ago

«Կորոնավիրուսի դեմ պայքարում ՌԴ-ն չի գործել ըստ ընդունված ձևաչափի». Պուտինը խոսել է համավարակի դեմ պայքարում գլխավոր նպատակի և ճիշտ ժամանակին ընդունված որոշման մասին

ՌԴ նախագահ Վլադիմիր Պուտինը երկրի բնակչությանն ուղղված ելույթում հայտարարել է, որ Ռուսաստանը կորոնավիրուսի դեմ պայքարում չի գործել ըստ ընդունված ձևաչափի: Ինչպես փոխանցում է ТАСС գործակալությունը, Պուտինը հիշեցրել է, որ իշխանություններն աննախադեպ քայլի են գնացել՝ ոչ աշխատանքային օրերի երկարատև ժամանակահատված են սահմանել, որը տևել է մարտի 28-ից մինչև մայիսի 11-ը: Ինչպես ցույց է տվել իրավիճակի հետագա զարգացումը, մենք դա ճիշտ ժամանակին ենք արել: Մենք ժամանակ ենք շահել համաճարակային իրավիճակում և հասել ենք գլխավորի նպատակին՝ պահպանել ենք մարդկային կյանքեր: Միևնույն ժամանակ չենք գործել ըստ ընդունված ձևաչափի ,- ասել է Պուտինը: Նա հատկապես ընդգծել է, որ Ռուսաստանն ընտրել է արձագանքման ճկուն տարբերակը, որը ներառում է դաշնային և շրջանային միջոցառումներ․ Այդ մոտեցում արդարացրել է իրեն, և ի դեպ, կիրառվել է նաև այլ երկրներում ։ Նա հավելել է, որ ժամանակակից աշխարհը փոխկապակցված է, ինչը նշանակում է, որ ամբողջովին զերծ մնալ սպառնալիքից օբյեկտիվորեն հնարավոր չէ: Վաղ թե ուշ հիվանդությունը ներխուժելու էր մեր տուն, մեր սահմաններից ներս: Դա հասկանալի էր: Եվ երբ դա տեղի ունեցավ, մենք, հիմնվելով մասնագետների խորհուրդների վրա, մի բան որ նախկինում երբեք չէինք արել, աննախադեպ քայլ արեցինք. երկրով մեկ ոչ աշխատանքային օրեր հայտարարեցինք ,- նշել է Պուտինը: Համավարակի դեմ պայքարում գլխավոր նպատակը ՌԴ նախագահն անվանել է մարդկանց առողջության պահպանումը: Համաճարակը դեռ չի ավարտվել, մենք դեռ պետք է մինչև վերջ խեղդենք այդ վիրուսին: Սակայն կյանքը վերադառնում է իր բնական հունին ,- նկատել է Պուտինը: ՌԴ-ում համաճարակի սկզբից ի վեր կորոնավիրուսով վարակվել է 599 705 մարդ, մահացել՝ 8359-ը, վերջին մեկ օրում արձանագրվել է վարակման 7425, մահվան՝ 153 դեպք:


Latest News
Hashtags:   

Կորոնավիրուսի

 | 

պայքարում

 | 

գործել

 | 

ընդունված

 | 

ձևաչափի

 | 

Պուտինը

 | 

խոսել

 | 

համավարակի

 | 

պայքարում

 | 

գլխավոր

 | 

նպատակի

 | 

ժամանակին

 | 

ընդունված

 | 

որոշման

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources