Saturday 11 July 2020
Home      All news      Contact us      English
tert.am - 18 days ago

ԼՀԿ-ն, պնդելով, թե Սահմանադրության փոփոխությունների հարցով հնարավոր չէ դիմել ՍԴ, աջակցում է ՍԴ-ն գրավելու իշխանությունների քայլերին. Էլինար Վարդանյան (տեսանյութ)

ԱԺ Լուսավոր Հայաստան խմբակցության պնդումը, թե Սահմանադրության փոփոխությունների նախագծի համապատասխանության հարցով հնարավոր չէ դիմել Սահմանադրական դատարան, քաղաքական հերթական շահարկումն է, որից այդ խմբակցությունը փորձում է օգտվել և չդիմել ՍԴ՝ այդպիսով աջակցելով իշխանություններին ՍԴ-ն գրավելու իրենց գործողություններում։ Այս մասին Tert.am-ի հետ զրույցում ասաց ԱԺ նախկին պատգամավոր, Այլընտրանքային նախագծեր խմբի ներկայացուցիչ Էլինար Վարդանյանը։ Պետք է չհամաձայնեմ Լուսավոր Հայաստանի հիմնավորումների հետ, որովհետև ընդհակառակը՝ Սահմանադրությունը տալիս է այդ հնարավորությունը, ընդ որում՝ 2 հնարավորություն։ Երբ սահմանադրության խախտմամբ ընդունվել են սահմանադրական փոփոխությունները, ընդդիմադիր խմբակցություններն ունեն հնարավորություն՝ պատգամավորների 1/5-րդի ստորագրությամբ դիմել ՍԴ։ 168 հոդվածի 2-րդ կետով, երբ օրենքի սահմանադրականությունն է վիճարկվում և 4-րդ կետով, երբ իշխանության մարմինների լիազորությունների վեճ է առաջանում ,- նշեց Էլինար Վարդանյանը։ Հիշեցնենք, որ նախօրեին Ազգային ժողովն ընդունեց Սահմանադրական դատարանի նախագահին և դատավորներին փոխարինելու օրենքի նախագիծը։ Նախագծով՝ մինչև Սահմանադրության 7-րդ գլխի ուժի մեջ մտնելը նշանակված և Սահմանադրական դատարանի անդամի կամ դատավորի պաշտոնում ընդհանուր տևողությամբ ոչ պակաս, քան 12 տարի պաշտոնավարած Սահմանադրական դատարանի դատավորի լիազորությունների ժամկետը համարվում է ավարտված և պաշտոնավարումը դադարում է: Բարգավաճ Հայաստան խմբակցությունը պատգամավորների ստորագրահավաք էր սկսել ԱԺ կողմից ընդունված սահմանադրական փոփոխությունների նախագծի սահմանադրականության հարցը ՍԴ-ում քննարկելու համար։ Լուսավոր Հայաստանն էլ հայտարարել է, որ Սահմանադրությունը իրավունք չի տալիս պատգամավորներին դիմել Սահմանադրական դատարան այս հարցով։ Էլինար Վարդանյանի խոսքով՝ ԱԺ-ի կողմից սահմանադրական փոփոխությունները սահմանադրական կարգի տապալում է, իշխանության յուրացում։ Տեղի ունեցածը, ըստ նրա՝ ոչ միայն հակասում է Սահմանադրությանը, այլև անտեսում է Վենետիկի հանձնաժողովի եզրակացությունը։ Ստացվել էր մի զավեշտալի իրավիճակ, երբ իշխանությունները դիմել էին Վենետիկի հանձնաժողովին՝ հստակ սահմանելով 3 հարց, որոնց շրջանակներում էլ պետք է անեին սահմանադրական փոփոխություններ, բայց այն պահին, երբ Վենետիկի հանձնաժողովը քննարկում էր հարցը և պատրաստում էր եզրակացությունը, շրջանառության մեջ դրվեց օրենքի նախագիծը։ Ստեղծվել է մի իրավիճակ, երբ մի կողմից խախտվում է Սահմանադրությունը, մյուս կողմից Հայաստանի հեղինակության վրա բացասական ազդեցություն են թողնում այդ քայլերը, որովհետև Վենետիկի հանձնաժողովի եզրակացությանն այդպես վերաբերվելն անհետևանք չի լինելու։ Բայց այս պահին հանձնաժողովի եզրակացության մասին խոսելն անիմաստ է դառնում, որովհետև իշխանություններն արեցին այն, ինչն ուզում էին և դա արեցին Սահմանադրության կոպիտ խախտմամբ ,- նշեց նա։

Մանրամասները՝ տեսանյութում։


Latest News
Hashtags:   

պնդելով

 | 

Սահմանադրության

 | 

փոփոխությունների

 | 

հարցով

 | 

հնարավոր

 | 

դիմել

 | 

աջակցում

 | 

գրավելու

 | 

իշխանությունների

 | 

քայլերին

 | 

Էլինար

 | 

Վարդանյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources