Thursday 2 July 2020
Home      All news      Contact us      English
tert.am - 1 month ago

Երեկ Վենետիկի հանձնաժողովի հետ եղել է օնլայն ռեժիմով հանդիպում, որտեղ իշխանության ներկայացուցիչները պնդում էին, որ դատարաններն ունեն զրո վստահություն. Էդմոն Մարուքյան

Մենք ասում էինք ժամանակին, որ հանրաքվե անցկացնելն ապօրինություն է, բայց այդ ապօրինությունն ինչի՞ չեք 88 հոգով անում, այլ տանում եք, ժողովրդին, որ այդ ապօրինությանը մասնակցի, մեզանից նեղանում էին, քննադատում: Հիմա երևի մտածել են՝ ապօրինությունն անել 88 հոգով ,- այսօր լրագրողների հետ զրույցում նշեց ԱԺ Լուսավոր Հայաստան խմբակցության ղեկավար Էդմոն Մարուքյանը՝ անդրադառնալով Իմ քայլը դաշինքի պատգամավոր Վահագն Հովակիմյանի՝ հանրաքվեն չեղարկելու և ՍԴ անդամների հարցը խորհրդարանում քննելու նախաձեռնությանը: Երբ նախագիծը բերեն, կտեսնենք, եթե ապօրինություն է, կասենք՝ ապօրինություն է, եթե նորմալ բան է , ուրեմն նորմալ բան է: Երեկ եղել է Վենետիկի հանձնաժողովի հանդիպում՝ օնլայն ռեժիմով, որտեղ մեր իշխանության ներկայացուցիչները պնդում էին, որ դատարաններն ունեն զրո վստահություն: Մենք հիմա սահմանադրական հանձնաժողովում աշխատում ենք, այնտեղ է մեր ներկայացուցիչ Տարոն Սիմոնյանը և այդ շրջանակում բոլոր հարցերը քննարկում ենք: Դրանից դուրս, եթե կլինեն այլ կոնսուլտացիաներ, կարծում եմ՝ կմասնակցենք: Այն նախագիծը, որը դրվել է հանրաքվեի՝ խախտումներով է: Հանրաքվեի համար 7 մլն դոլար փոխանցվեց, հիմնադրամներ բացվեց, գումարի մի մասն էլ արդեն ծախսվել է, կարելի էր սա անել խորհրդարանում : Անդրադառնալով դիտարկմանը, թե նախկինում իշխանությունը քննադատում էր Վենետիկի հանձնաժողովին, հիմա ինչպես է, իշխանության համար դարձել այն վստահելի՝ Էդմոն Մարուքյանը նշեց. Ես հիշում եմ՝ Վահագն Հովակիմյանն ասում էր, որ Վենետիկի հանձնաժողովի նախագահը ադամանդակուռ կաշառք է ստացել: Հիմա ինքը դրա վերաբերյալ պետք է հայտարարություն անի: Կա՛մ պետք է քրեական գործ հարուցվի, կա՛մ Վահագն Հովակիմյանը պետք է դատվի սուտ մատնության համար: Հիմա նա վատ կացության մեջ է :


Latest News
Hashtags:   

Վենետիկի

 | 

հանձնաժողովի

 | 

օնլայն

 | 

ռեժիմով

 | 

հանդիպում

 | 

որտեղ

 | 

իշխանության

 | 

ներկայացուցիչները

 | 

պնդում

 | 

դատարաններն

 | 

ունեն

 | 

վստահություն

 | 

Էդմոն

 | 

Մարուքյան

 | 
Most Popular (6 hours)

Most Popular (24 hours)

Most Popular (a week)

Sources