Monday 6 July 2020
Home      All news      Contact us      English
tert.am - 1 month ago

«Ընտանիքը կարևոր է». իր ծննդյան օրը ռուսաստանաբնակ գործարար Ռուբեն Վարդանյանը պատմել է հայկական ընտանիքի ավանդույթների մասին (տեսանյութ)

Իր ծննդյան օրը մայիսի 25-ին, ռուսաստանաբնակ գործարար և բարերար Ռուբեն Վարդանյանը հայտնի ռուս լրագրող Ալյոնա Դոլեցկայայի հետ Յանդեքս. Եթերում նոր առցանց նախագիծ են թողարկել: Մայիսի 25-ին՝ առաջին եթերի ընթացքում, Վարդանյանն ու Դոլեցկայան պայմանավորվել են, որ եթերների ընթացքում ոչ մի անգամ չեն արտաբերելու համավարակ, կորոնավիրուս և ճգնաժամ բառերը: Մենք բոլոր այդ բառերը փոխարինում ենք մեկով նոր ժամանակներ, որովհետև դրանում մենք արդեն ապրում ենք ,-ասել է Դոլեցկայան: Ցիկլի նկարագրության մեջ նշվում է, որ առաջին հիբրիդային սերնդի ներկայացուցիչներ Վարդանյանը և Դոլեցկայան անորոշության և գաղափարական փոթորկի ժամանակաշրջանում կփորձեն գտնել դժվարին հարցերի պատասխանները: Քանի որ մայիսի 25-ին հայ գործարարը նշում էր իր ծննդյան 52-րդ տարեդարձը, առաջին հաղորդման թեման առաջարկել է դարձնել ընտանիքի ինստիտուտը քննարկելով, թե ինչ է սպասվում այդ ինստիտուտին նոր ժամանակներում և ինչպես է փոխվում վերաբերմունքն ընտանիքի նկատմամբ : Գործարարը պատմել է, որ մեծացել է հայկական ընտանիքում, որտեղ առնվազն երեք սերունդ է նստել սեղանի շուրջ՝ նշելով, որ այդ ժամանակ, ավանդույթի համաձայն, չէր կարելի վեր կենալ սեղանից, քանի դեռ մեծը թույլ չի տվել, և ընդգծել է, որ ընտանեկան ավանդույթներ ստեղծելն ու ունենալը շատ կարևոր է: Այսօր մենք, բացի ավագ աղջկանիցս, որը Ռուսաստանում չէ, բոլորով միասին կհավաքվենք սեղանի շուրջ: Մենք ընտանեկան տոն ենք անելու, տեսնում ես, ես վերնաշապիկ եմ հագել: Չնայած որ այսօր ինձ համար աշխատանքային օր է, բայց ընտանիքը կարևոր է, կարևոր է, որ ընտանիքը զգա հստակ ավանդույթները ,-ասել է գործարարը: Դոլեցկայան մեկնաբանել է Վարդանյանի ասածը՝ նշելով, որ այդ առումով ինքը տիպիկ մոսկվացի աղջիկ է, ինչին Վարդանյանը պատասխանել է. Մի փոքր հայկական արմատներով : Դոլեցկայան նշել է, որ ինքը միշտ հաղթում է դրանցով (արմատներով) և որ շատ կուզեր Վարդանյանի հետ նշել ծննդյան տոնը: Ես նստած լացում եմ, որ չեմ գտնվի քո սեղանի շուրջ, չեմ համտեսի ժենգյալով հացը և չեմ խմի թթի օղի, բայց դա դեռ առջևում է ,-ասել է Դոլեցկայան: Քննարկելով ժամանակակից ընտանիքների առջև ծառացած մարտահրավերները՝ զրուցակիցները եկել են այն եզրակացությանը, որ չնայած նրան, որ մենք գնում ենք նոր ժամանակներ, առողջ և երջանիկ ընտանիքը շատ կարևոր տարր է, որը կշարունակի գոյություն ունենալ: Տեսանյութը այստեղ:


Latest News
Hashtags:   

Ընտանիքը

 | 

կարևոր

 | 

ծննդյան

 | 

ռուսաստանաբնակ

 | 

գործարար

 | 

Ռուբեն

 | 

Վարդանյանը

 | 

պատմել

 | 

հայկական

 | 

ընտանիքի

 | 

ավանդույթների

 | 

մասին

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources