Thursday 9 April 2020
Home      All news      Contact us      English
tert.am - 2 month ago

«Իմ քայլն» առաջարկում է հողն օտարելուց առաջ կատարվեն հողի հարկի վճարումները

Իմ քայլը խմբակցության պատգամավոր Արգիշտի Մեխակյանն Ազգային ժողովում ներկայացրեց Հողի հարկի մասին որոշման նախագիծը: Նա նշեց, որ առաջարկվում է հողը օտարելուց առաջ պարտադիր կատարվեն հողի հարկի վճարումները:

Օրենքով, եթե այն չի կատարվել, փոխանցվում է սեփականատիրոջը և սեփականության իրավունքի փոխանցումից հետո նոր պարզվում է, որ փոխանցվել են հարկերը ,- ասաց նա և նշեց, որ այս խնդիրը բացառելուն է ուղղված այս օրենսդրական նախաձեռնությունը:

Բարգավաճ Հայաստան խմբակցության պատգամավոր Միքայել Մելքումյանը կարևորեց, որ նոտարում գործարք անելու օրվանից է սկսվում հարկերը հաշվարկվել նոր սեփականատիրոջ վրա: Նա հարակից զեկուցող տնտեսական հարցերի մշտական հանձնաժողովի անդամ Արտաշես Պետրոսյանից հետաքրքրվեց, թե արդյոք Կադաստրի կողմից օրինական է պահանջել զրոյական տեղեկանք: Պետք է հասկանանք, թե ինչ ենք անում, առավելևս 2021 թվականից նոր Հարկային օրենսգրքի դրույթը մտնելու է ուժի մեջ: Երբ Կադաստրը պարտադրում է, որ բերեք զրոյական տեղեկանք, օրինակա՞ն է այդ պահանջը, թե ստեղծագործում է այդ պահանջը ,-ասաց նա:

Արտաշես Պետրոսյանը պատասխանեց, որ Ազգային ժողովն է որոշելու Կադաստրի պահանջը օրինական է, թե ոչ:

Բարգավաճ Հայաստան խմբակցության պատգամավոր Սերգեյ Բագրատյանը կարևորեց օրենքը, սակայն նկատեց, որ մի շարք հարցեր բաց են մնում, օրինակ՝ ժառանգության, նվիրատվության դեպքերում, ինչո՞ւ պետք է նվիրողը վճարի հարկերը:

Եթե մահվան հետևանքով ժառանգություն է ստացել, ո՞վ պետք վճարի պարտքը, այս խնդիրները չեն կարգավորվում: Կառավարությունն ինչո՞ւ է այս հատվածական օրենքն ընդունում, կրկնակի աշխատանք անելու խնդիր է առաջանում: Եթե ընդդիմությունը ներկայացներ նման նախագիծ, կասեիք, որ Կառավարությունը լիարժեք նախագիծ ունի, հետ տարեք: Կարծում եմ, որ սա արդյունավետ ճանապարհ չէ ,- ասաց նա և նշեց, որ ամբողջական կարգավորվող օրենքի նախագիծը հունվարի 1-ից ունենալու ենք:

Իմ քայլը խմբակցության պատգամավոր Գևորգ Պապոյանը հայտարարեց, որ փորձում են այս խնդիրը հնարավորինս շուտ լուծել, թեկուզ 8-9 ամիս շուտ: Մենք չենք ասում՝ ով պետք է վճարի, մենք ասում ենք, որ հարկերը պետք է վճարվեն և այս գործիքով մենք ուղղակիորեն ամրագրում ենք, որ անձը որևէ գույք օտարելուց առաջ իր հարկային պարտավորությունները կատարած է լինում, երբ քաղաքացին հարկային պարտավորությունը համայնքի առաջ կատարած է լինում, համայնքը ունենում է փող ,-ասաց նա:

Related news

Latest News
Hashtags:   

քայլն

 | 

առաջարկում

 | 

օտարելուց

 | 

կատարվեն

 | 

հարկի

 | 

վճարումները

 | 
Most Popular (6 hours)

Most Popular (24 hours)

Most Popular (a week)

Sources