Wednesday 1 April 2020
Home      All news      Contact us      English
tert.am - 2 month ago

Մեր ինքնությունը բավականին հզոր ինքնություն է. Հրանտ Տեր-Աբրահամյան

Պատմական գիտությունների թեկնածու, հասարակական-քաղաքական գործիչ Սամվել Ֆարմանյանը և հրապարակախոս, պատմաբան Հրանտ Տեր-Աբրահամյանը այս անգամ զրուցել են փոքր պետությունների կոնցեպտի մասին: Սամվել Ֆարմանյանի կարծիքով՝ թեև քաղաքագիտության մեջ կան, բայց այլ գիտության դիսցիպլինայի մեջ չկան փոքր պետության կոնկրետ ձևակերպումներ, հետևաբար պետք է ելնել այն տրամաբանությունից, որ խոսքը տարածքի բնակչության, ռազմական և տնտեսական կարողությունների մասին է: Երբ մենք քննարկում ենք, թե մեր գիտակցության մեջ փոքր պետություն կամ ժողովուրդ ասելով ինչ ի նկատի ունենք, պետք է հաշվի առնենք, որ ընկալումները երկու ծայրահեղությունների են հակվում՝ մեկը, որ սա ճակատագիր է կամ պատմության դատավճիռ՝ լինել փոքր պետություն և զերծ մնալ մեծ երազանքներից ու ամբիցիաներից ,-ասաց նա։ Երկրորդը, Սամվել Ֆարմանյանի խոսքով, հաճախ հակադրվում է առաջինին․ ո՞վ է ասել որ փոքր պետությունը չի կարող մեծ ամբիցիաներ ունենալ: Նա նշեց, որ իրականությունը, սակայն, ոչ աջ և ոչ էլ ձախ ծայրահեղությունների մեջ է այլ հենց կենտրոնում է, որովհետև կան փոքր պետություններ որոնք ունեն հաջողության պատմություններ և բնական է, որ ռեսուրսների, տարածքի, բնակչության սահմանափակ լինելը բերում է օբյեկտիվ հնարավորությունների սահմանափակմանը: Այս հարցի շուրջ քննարկման պակաս կա, որովհետև վերջին տասնամյակներում աշխարհում թե՛ ակադեմիական, թե՛ պրակտիկ հարթություններում մեծ առաջընթաց կա փոքր պետությունների զարգացման օրինաչափությունների հետ կապված ,-ասաց նա: Ըստ Տեր-Աբրահամյանի՝ փոքր պետություն կամ փոքր ժողովուրդ ասվածը որոշակի օբյեկտիվ հիմք ունի, բայց, մյուս կողմից, մենք պետք է հասկանանք, որ ինչքան էլ երևույթը օբյեկտիվ է, այդուհանդերձ, դրանից բխող մի շարք հանգամանքներ կան: Մենք պետք է հասկանանք սրա պայմանականությունը և հարաբերականությունը, որովհետև երբասում ենք փոքր պետություն՝ զուտ քանակական տեսակետից, մենք մեզ համեմատում ենք ավելի մեծ պետությունների հետ, բայց աշխարհի ժողովուրդների մեծ մասն ավելի փոքրաթիվ են և այդտեղ մենք ոչ փոքր ենք, ոչ մեծ, մենք միջին դիրք ենք գրավում: Բացի օբյեկտիվից, կա նաև սուբյեկտիվ պահ, բացի քանակականից, կա նաև որակական պահ: Օրինակ՝ շվեդները փոքր պետությո՞ւն են, թե՞ մեծ, մեր ընկալման մեջ նրանք փոքր չեն, սակայն մեր քանակի են և, հետևաբար, միայն քանակով չի որոշվում, նույն շվեդներին մենք փոքր չենք ընկալում, որովհետև կա մշակութային ազդեցություն, տնտեսական կարողություն, քաղաքական համբավ, որը շատ կարևոր է: Քանակով փոքր ենք, բայց մեր քանակի համար դեռ ավել ենք ստեղծել: Մենք մի փոքր ավելի ունենք՝ մեր ինքնությունը բավականին հզոր ինքնություն է, թեկուզ սեփական այբուբեն ունենք, հիմա դա փոքր պետության բա՞ն է, թե՞ մեծ, սեփական լեզվով փիլիսոփայություն և այլն ,-ասաց նա:


Մանրամասները՝ տեսանյութում։



Related news

Latest News
Hashtags:   

ինքնությունը

 | 

բավականին

 | 

ինքնություն

 | 

Հրանտ

 | 

Աբրահամյան

 | 
Most Popular (6 hours)

Most Popular (24 hours)

Most Popular (a week)

Sources