Wednesday 8 April 2020
Home      All news      Contact us      English
tert.am - 2 month ago

«Ես հաստատ սորոսական չեմ». Զելենսկի

Ուկրաինայի նախագահ Վլադիմիր Զելենսկին հայտարարել է, որ չի զգում հրեական արմատներով ամերիկացի ֆինանսիստ, միլիարդատեր Ջորջ Սորոսի ազդեցությունն Ուկրաինայի վրա: Ինտերֆաքս-Ուկրաինա -ին տված հարցազրույցում Զելենսկին այդ մասին խոսակցությունները չափազանցված է համարել: Ես ծանոթ չեմ Սորոս ազգանվամբ մարդու հետ: Երբեք նրա հետ չեմ հանդիպել: Ես հաստատ սորոսական չեմ ,- ասել է Զելենսկին: Նա չի բացառել, որ Ուկրաինայում կան մարդիկ, որոնք սովորել են այս կամ այն հիմնադրամների միջոցներով, այդ թվում Սորոսի հիմնադրամի, կամ աշխատել են նման հիմնադրամների ստեղծած ընկերություններում: Սորոսի ազդեցությունն Ուկրաինայի վրա ես չեմ զգում: Ես կարծում եմ, որ այս ամենը չափազանցված է ,- ասել է Զելենսկին: Նախագահն ասել է, որ հումորով է վերաբերվում սորոսական տերմինին, որով որոշ պատգամավորներ անվանում են կառավարության անդամներին: Միևնույն ժամանակ, ըստ նրա, կառավարությունը չպետք է միանման լինի, առանց այլ կարծիքի կարող են ճակատագրական սխալներ լինել, վստահություն է հայտնել Զելենսկին: Պետք է լսել տարբեր կարծիքներ, տարբեր կանխատեսումներ, տարբեր ռիսկեր: Այդ իսկ պատճառով, ինձ թվում է, պետք է լինեն և՛ սորոսականներ, և հակասորոսականներ, եթե ցանկանում եք այդպես նրանց կոչել ,- ասել է Ուկրաինայի նախագահը:

Related news

Latest News
Hashtags:   

հաստատ

 | 

սորոսական

 | 

Զելենսկի

 | 
Most Popular (6 hours)

Most Popular (24 hours)

Most Popular (a week)

Sources