Friday 21 February 2020
Home      All news      Contact us      English
tert.am - 25 days ago

«Բոլոր ժամանակների լավագույն բասկետբոլիստներից մեկն էր». Թրամփը գրառում է արել Կոբի Բրայանտի մահվան կապակցությամբ

Միացյալ Նահանգների նախագահ Դոնալդ Թրամփն իր պաշտոնական թվիթերյան էջում անդրադարձել է Լոս Անջելես Լեյքերս ակումբի նախկին բասկետբոլիստ, Ազգային բասկետբոլային ասոցացիայի հինգակի չեմպիոն Կոբի Բրայանտի մահվանը:

Չնայած,որ նա բոլոր ժամանակների լավագույն բասկետբոլիստներից մեկն էր, սակայն նա նոր էր սկսում ապրել: Նա այնքան շատ էր սիրում իր ընտանիքը և այնքան մեծ կրքով էր նայում ապագային: Նրա գեղեցկուհի դստեր՝ Ջիանայի կորուստը ավելի ողբերգական է դարձնում այս պահը ,-գրել է նախագահը:

Թրամփը հավելել է, որ ինքն ու առաջին տիկին Մելանյա Թրամփը ցավակցում են Բրայանտի ընտանիքին:

Ինչպես ավելի վաղ հայտնել էր Tert.am-ը, Բրայանտի մասնավոր ուղղաթիռը նախքան Կալիֆոռնիա նահանգում կործանվելը քառորդ ժամ պտտվել է երկնքում: Ուղղաթիռն օդ է բարձրացել Կալիֆոռնիայի Օրինջ շրջանից և ուղևորվել դեպի Թաուզանդ-Օքս քաղաք: Ռադարի տվյալների համաձայն ուղղաթիռը 15 րոպեի ընթացքում Գլենդեյլ քաղաքի վրա 10 պտույտ է կատարել, որից հետո ընկել է Լոս Անջելեսից 30 կիլոմետր հեռավորության վրա գտնվող Կալաբասաս սարի լանջին:

Աղբյուրի տվյալների համաձայն ուղղաթիռի ուղևորները բասկետբոլի մարզումների են մեկնելիս եղել: Մարզիկը Լեյքերս մարզադաշտ հասնելու համար բազմիցս է նման տրանսպորտային միջոց ընտրել:

Վթարի հետևանքով զոհվել է ևս 8 մարդ, որոնց թվում է նաև մարզիկի 13-ամյա դուստրը Ջիաննա Մարիա-Օնորեն: Ողբերգության հնարավոր պատճառներից է վատ տեսանելիությունը, քանի որ այդ օրը Կալիֆոռնիայում մառախուղ է եղել:

Բրայանտն ամբողջ կարիերայի ընթացքում հանդես է եկել Լոս Անջելես Լեյքերս ակումբում, որի կազմում Ազգային բասկետբոլային ասոցացիայի հինգ չեմպիոնական տիտղոսների է արժանացել:

Բասկետբոլիստը սպորտային կարիերան ավարտել է 2016 թվականին, որից հետո մանկական պատմվածքների ժողովածու և մի քանի գիրք է հեղինակել, որում պատմել է կարիերայի դժվարությունների մասին:

Related news

Latest News
Hashtags:   

Բոլոր

 | 

ժամանակների

 | 

լավագույն

 | 

բասկետբոլիստներից

 | 

Թրամփը

 | 

գրառում

 | 

Բրայանտի

 | 

մահվան

 | 

կապակցությամբ

 | 
Most Popular (6 hours)

Most Popular (24 hours)

Most Popular (a week)

Sources