Sunday 16 February 2020
Home      All news      Contact us      English
tert.am - 23 days ago

Որքանո՞վ է բարոյական Երևանում տուգանել վարորդներին ապօրինի կանգառ կատարելու համար

Երևան քաղաքի գերխնդիրները հեղափոխությունից հետո ոչ միայն չլուծվեցին, այլև խորացան: Այդ գերխնդիրներից մեկն էլ, թերևս, մայրաքաղաքի փողոցների գերծանրաբեռնվածության հարցն է, որին նոր իշխանությունները որևիցե կերպ չեն կարողանում լուծում տալ, փոխարենը՝ ավելի են խորացնում այն: Վերջին երկու տարում Հայաստան է ներկրվել 250.000 նոր մեքենա: Դրանց զգալի մասը վարում են մայրաքաղաքում: Չնայած այս գերքանակի պատճառով ծագած խնդիրներին ու անհարմարություններին, մասնավորապես՝ կայանատեղիների բացակայությանը, քաղաքացիները շարունակում են առաջանցիկ տեմպերով տուգանվել ու նյութական վնասներ կրել սխալ կայանման համար: Փաստ է, որ Երևանում կայանելու տեղ չկա: Չկան նաև հատուկ կայանատեղիներ, ինչպես եվրոպական շատ երկրներում: Եվրոպական խոշոր քաղաքաների զգալի մասում հատկապես կենտրոնական շրջաններում փարքինգային ցանցեր կան: Դրանք հաճախ բնակելի շենքեր են՝ վերածված փարքինգների: Վարորդը, վարելով բարձրանում է փարքինգ գոտու վերածված՝ նախկինում բնակելի տան 5-րդ հարկ, ու կայանում այնտեղ: Երկու տարվա ընթացքում քաղաքապետարանը ոչ մի փարքինգ չկառուցեց, ընդհակառակը՝ թույլ տվեց, որ գերպահանջարկի պատճառով կենտրոնի եզակի փարքինգներում կայանելու վճարը հասնի մինչև 300 դրամ 1 ժամը: Այսօր բանուկ ժամերին կենտրոնում կայանատեղի գտնելու համար վարորդը ստիպված է առնվազն կես ժամ պտտվել: Փարքինգների բացակայության խնդրին զուգահեռ քաղաքապետարանը թույլ է տալիս, որ մասնավոր շատ ընկերություններ Երևանի ամենաբանուկ հատվածներում տարիներ շարունակ զբաղեցնեն կայանատեղիները: Նկարում Բաղրամյան փողոցն է, որտեղ արդեն երկու տարի մի քանի հարյուր մետր զբաղեցված է վարձույթ տվող այս ընկերության կողմից: Չանսալով այն փաստին, որ լրատվամիջոցները ոչ մեկ անգամ դիմել են քաղաքապետարանին՝ ահազանգելով այս խնդրի մասին, խնդիրը մինչ օրս լուծված չէ՝ պատճառաբանությամբ, որ օրենսդրական հիմք չկա խնդիրը լուծելու համար: Ու սա ընդամենը մեկն է բազմաթիվ նմանատիպ օրինակներից: Երևանի կենտրոնում տասնյակ նման զավթման դեպքեր կան: Եթե այդքան ատելի նախկինների ժամանակ քաղաքապետարանի աշխատակցի մեկ զանգով տվյալ ընկերությունը կարգի կհրավիրվեր ու այլևս չէր զավթի կայանատեղին, ապա չզանգող ներկա իշխանությունները երկու տարում օրենքով դա չեն կարողանում լուծել: Փոխարենը ոստիկանական էվակուատորներն ամեն օր տարհանում են սխալ կայանված մեքենաները: Այս դեպքում հարց է ծագում, իսկ որտե՞ղ կայանել: Եվ որքանո՞վ է բարոյական նման փնթի ու ոչ պրոֆեսիոնալ փարքինգային պայմաններում այս կեղծ մաքրասիրությունը բանեցնելն ու քաղաքացիներին սխալ կայանման համար տուգանելը: Փաստն այն է, որ հասարակական բարեկեցիկ տրանսպորտ խոստացող իշխանությունը տրանսպորտային քաոս ստեղծեց՝ թույլ տալով այդքան մետաղե ջարդոն ներկրել ու վարել: Ու փաստ է, որ վարորդը կայանում է սխալ, ոչ թե հատուկ, նպատակադրված, այլ՝ ստիպված: Վռամ Սուքիասյան

Related news

Latest News
Hashtags:   

Որքանո՞վ

 | 

բարոյական

 | 

Երևանում

 | 

տուգանել

 | 

վարորդներին

 | 

ապօրինի

 | 

կանգառ

 | 

կատարելու

 | 

համար

 | 
Most Popular (6 hours)

Most Popular (24 hours)

Most Popular (a week)

Sources