Friday 21 February 2020
Home      All news      Contact us      English
tert.am - 28 days ago

Նիկոլ Փաշինյանի վիճակը ծանր է. նա ուղիներ է որոնում

Հայաստանում գերիշխանության հասած Փաշինյաններին պատկանող լրատվամիջոցի հունցած խմորը շարունակում է առատ ջուր քաշել . Արթուր Վանեցյանի ու այլ անձանց հասցեին զրպարտանքներ պարունակող հոդվածը, ուր տեղ գտած տեղեկությունների հերքման պահանջով արդեն իսկ հասցրել են հանդես գալ Վանեցյանի ներկայացուցիչները, պատճառ դարձավ որպեսզի իշխանությունական որոշ վառ դեմքեր բորբոքեն սեփական երևակայությունն ու բացահայտ հայտարարեն, որ նախապատրաստվել է հեղաշրջում: Խոսքն, առաջին հերթին, Նիկոլ Փաշինյանի իմքայլական աներձագ Հրաչյա Հակոբյանի մասին է, ով, ԶԼՄ-ներից մեկին տված հարցազրույցում, իբր բացահայտելով Արթուր Վանեցյանի հրաժարականի պատճառներն, ասել էր՝ պաշտոնանկության պատճառը պետական հեղաշրջման փորձն է եղել, ոչ թե սուտ քարոզչություն անելը Ավելի ուշ, արձագանքելով ԱԱԾ կողմից ստացված հերքմանը, Հակոբյանը հայտարարել էր՝ ուրախ է, որ ԱԱԾ-ն փարատել է կասկածները՝ միաժամանակ հավելելով, որ իր հայտարարությունն արդյունք է եղել Հայկական ժամանակում լույս տեսած հոդվածից ստացած տպավորության: Իր հերթին՝ ԱԽՔ Արմեն Գրիգորյանը, հունվարի 23-ին լրագրողների հետ ունեցած ճեպազրույցում մեկնաբանելով հեղաշրջման փորձերի վերաբերյալ ԱԱԾ հերքումը՝ հայտարարել է, որ ինքն այդ հայտարարության մեջ հերքում չի տեսել: Ավելի վաղ Գիգորյանը հայտարարել էր, որ հեղաշրջման փորձեր իսկապես կատարվել են: Ինչպես կարելի է արձանագրել, իշխանությունների թեթև ձեռամբ շրջանառության մեջ է դրվում ներքին հեղաշրջման, հակաիշխանական դավադրությունների վերաբերյալ տեսությունը, որը, սակայն, ոչ այլ ինչ է, քան քաղաքական սառնասիրտ հաշվակներից բխած խաղ՝ ուղղված ոչ միայն քաղաքական մրցակիցների դեմ, այլև, նախևառաջ, հասարակության ու հատկապես դրա ոչ այնքան կոմպետենտ հատվածի: Այն բանից հետո, երբ հայտնի դարձավ, որ Ոստիկանությանը այսուհետ տրվելու են գաղտնալսում իրականացնելու աննախադեպ հնարավորություններ, հիմա էլ, ասում են, իշխանությունները նպատակադրվել են հավելյալ մարմին ստեղծել, որը սեպարատ կերպով գաղտնալսումներ կիրականացնի՝ այսպիսով, փաստորեն, դառնալով յուրատեսակ հետախուզական գործառույթներով օժտված հավելյալ օղակ: Չի բացառվում, որ հնարավոր ստեղծվելիք կառույցի գաղտնի առաքելությունը դառնա Ոստիկանության ու ԱԱԾ-ի գործողություններին հետևելը՝ ի հավելումն, իհարկե, ունեցած բուն առաքելությանը՝ քաղաքացիներին լրտեսելուն: Այլոց խոսակցությունները գաղտնալսելու մոլուցքն, անշո՛ւշտ, լավ օրից չէ, որ առաջացել է իշխանության մոտ, իսկ հակաիշխանական հեղաշրջումների վերաբերյալ ասպարեզ նետված կեղծ թեզերն էլ, ամենայն հավանականությամբ, մոգոնվում են՝ հասարակությանը մոլորության մեջ գցելու համար, որոնց հեղինակներն այդ ամենով փորձ են անում լուծել երկրում լրտեսական կրքերի բորբոքման բարոյաիրավական հիմնավորվածության խնդիրը: Իսկ լրտեսական կրքերի գերի դառնալը գլխավորապես կարող է կապված լինել իշխանությունների ներսում՝ դրա չերևացող հատվածում, աննախադեպ ակտիվությամբ հասունացող լատենտ ճգնաժամի: Այդ ճգնաժամի տարածման կանխարգելման հույսն է, որ Փշինյանի իշխանությանը ստիպում է երկիրը դարձնել պարանոյիդալ նոպաներին բնորոշ դրսևորումների ճարակ՝ հարվածի տակ դնելով հասարակութան յուրաքանչյուր անդամին, ներխուժելով ցանացած մեկի անձնական տիրույթ և այդ ամենն, իհարկե, բացառապես հարկատուների միջոցների հաշվին: Տարբեր միջազգային ռեյտինգային կազմակերպությունների կողմից երբեմն-երբեմն արվող հրապարակումներից հուզվող ու դրանք հայ հասարակությանը որպես իրականության անբեկանելի արտացոլանք մատուցող իշխանությունները, որ սիրում են Հայաստանը հանրահռչակել համաշխարհային ժողովրդավարության բաստիոն, փաստորեն, նպատակամիտված կերպով ոչնչացնում են դեմոկրատիայի ծիլերն ու մարդկանց դարձնում անպաշտպան թիրախ այն դեպքում, երբ դրա համար շոշափելի, ողջամիտ ոչ մի փաստարկ չի բերվում. մի՞թե ՀԺ-ի հոդվածի ընթերցման արդյունքում գոյացած ինչ-որ մեկի սուբյեկտիվ ընկալումը կամ դրան տրված մեկնությունը կարող է հիմք դառնալ երկրում 37 թիվ կազմակերպելու համար: Սեփական առաքելության հարցում մոլորության մեջ ընկած Նիկոլ Փաշինյանն, ով այդպես էլ ինքն իր համար չի կարողանում պարզել՝ իրական իշխանությո՞ւն է, թե՞ պատահաբար իշխանության եկած ընդդիություն, իր ունեցած անսահմանափակ իշխանության հետ միասին սեփական աշխատասենյակում մնացել է գործնականում միայնակ: Նա կասկածում է բոլորին՝ նույնիսկ իր իսկ թիմի անդամներին, բայց բոլորից շատ, թերևս, կասկածում է հենց ինքն իրեն, ու հենց այդ մայր կասկածից է, որ ածանցվում են կասկածի մյուս բոլոր տարատեսակներն ու ձևերը: Ներսից կրծող կասկածը ստիպում է Փաշինյանին գաղտնալսել անգամ փողոցի կատուներին՝ հույսով, որ գոնե նրանցից կլսի իրեն այդքան հուզող հարցերի պատասխանները կամ վերջապես կբացահայտի հավերժական իշխանության էլեքսիրի այն քիմիական բանաձևը, որի մարմանջն էլ, թերևս, վարչապետին հասցրել է այս օրվան: Արմեն Կարեյան

Related news

Latest News
Hashtags:   

Նիկոլ

 | 

Փաշինյանի

 | 

վիճակը

 | 

ուղիներ

 | 

որոնում

 | 
Most Popular (6 hours)

Most Popular (24 hours)

Most Popular (a week)

Sources