Tuesday 18 February 2020
Home      All news      Contact us      English
tert.am - 25 days ago

Եթե  գազի թանկացումը ողբերգություն չէ, ապա իշխանափոխությունն էլ անիմաստ էր. փորձագետ

Եթե այսօր իշխանության ներկայացուցիչը փորձում է համոզել, որ գազի հնարավոր թանկացումը ողբերգություն չէ, ապա պետք է նաև քաջություն ունենալ հայտնել ժողովրդին, որ իշխանափոխությունը լրիվ անիմաստ էր, քանի որ բոլոր տնտեսական բնույթի բողոքներն ու դժգոհությունները նախորդ իշխանություններից, պակաս ողբերգական էին, քան գազի բարձրացվող սակագինն է: Այս մասին Tert.am-ի հետ զրույցում ասաց Հայացք վերլուծական կենտրոնի փորձագետ Լիլիա Ամիրխանյանը:

Խոսելով գազի թանկացման հետևանքների մասին փորձագետը նշեց. Անշուշտ տնտեսության համար հարվածն ուժգին է լինելու: Գազի՝ ներքին սպառման սակագնի բարձրացումը բազմապատիկ էֆեկտ է ունենալու տնտեսության բոլոր հատվածների վրա: Ընդ որում, խոսքը միայն ընտանեկան բյուջեների վրա բեռի ավելացմանը չի վերաբերում. Հայաստանի արտադրության զգալի մասն իրականացվում է կապույտ վառելիքով, հետևաբար շղթայական թանկացումներն անխուսափելի են, այդ թվում նաև չի բացառվում՝ էլեկտրաէներգիայի սակագնի վերանայում : Լիլիա Ամիրխանյանն ընդգծում է. սա այն դեպքում, երբ ԵԱՏՄ օրենսդրությամբ պայմանավորված արդեն իսկ ունենք որոշակի ապրանքատեսակների թանկացում: Ճակատագրի հեգնանքով բոլոր այս պրոցեսները համընկնում են իշխանության կողմից այդքան թմբկահարված թոշակների տասը տոկոսանոց բարձրացումների հետ ու հիմա արդեն գործնականորեն տեսանելի է, որ այդ ավելացումների ու թանկացումների միջև ճեղքվածը բավական մեծ է, իրավիճակը՝ ընդհանրապես ոչ հեղափոխական : Խոսելով գազ թանկացման սպասումների և պատճառների մասին, փորձագետը նշեց. Խնդիրը պետք է դիտարկել երկու հարթությունում՝ ներքաղաքական և արտաքին քաղաքականության: Այսօրվա իշխանությունը երկու տարի շարունակ փորձել է համոզել, որ սակագնի բարձրացում չի լինի: Վարչապետ Փաշինյանը նույնիսկ գազի էժանացման մասին է խոսել: Հիմա մենք ականատեսն ենք, որ իշխանությունը ձախողել է: Մյուս կողմից ոչ լիարժեք թափանցիկության խնդիրը կա: Իշխանական թևում գրեթե լիովին վստահ են, որ սակագնի վերանայման հայտ լինելու է: Հարց է առաջանում՝ որտեղի՞ց այդ վստահությունը: Իսկ միգուցե հայտն արդե՞ն իսկ ներկայացվել է : Ինչ վերաբերում է արտաքին քաղաքականությանը, ապա փորձագետի պնդմամբ, մշտապես պետք է հիշել, որ Գազպրոմ Արմենիա -ն ռուսական Գազպրոմի դուստր ընկերությունն է, ուստի այդ ընկերության գործողությունները չպետք է տարանջատել ռուսական կողմից: Ռուսական ընկերությունը գազի գինը սահմանին և գազի գինը ներքին սպառողի համար, սահմանում է՝ ելնելով նաև իր արտաքին քաղաքական առաջնահերթություններից: Հասկանալի է, որ սահմանին գազի գնի հասցեատերը միայն Հայաստանը չէ: Պարզապես բավական է հիշել ներկայումս Բելառուս-ՌԴ-ի միջև նավթի գների հետ կապված տարաձայնությունները և այն հանգամանքը, որ մենք Բելառուսի հետ գտնվում ենք միևնույն տնտեսական բլոկում: Այլ է դրությունը ներքին սպառողին վաճառվող վառելիքի գնի դեպքում : Ըստ նրա, վաղուց արդեն նորություն չէ, որ Գազպրոմ Արմենիա -ի ներդրումային ծրագիրը շահութաբեր չէ, բայց տարիներ ի վեր, նույն պայմաններով ընկերությունը համաձայնել է պահպանել սակագինը ներքին սպառողի համար: Ոչ մի կերպ չստորադասելով այս պրոցեսներում տնտեսական շահերի հետապնդման դերակատարությունը, բայց ներքին սպառողի համար սակագնի պահպանումը խոսուն ցուցիչ է եղել հայ-ռուսական հարաբերությունների որակի ու մակարդակի մասին: Իսկ սակագնի հետ կապված այսօրվա ողջ էպոպեան կարելի է համարել հարաբերությունների ներկայիս վիճակի համար յուրօրինակ թեստավորում ,- ամփոփեց փորձագետը:

Related news

Latest News
Hashtags:   

թանկացումը

 | 

ողբերգություն

 | 

իշխանափոխությունն

 | 

անիմաստ

 | 

փորձագետ

 | 
Most Popular (6 hours)

Most Popular (24 hours)

Most Popular (a week)

Sources