Saturday 22 February 2020
Home      All news      Contact us      English
tert.am - 29 days ago

ՍԴ գործող կազմից ազատվելն իշխանության թիվ մեկ քաղաքական օրախնդիրն է. Ռոբերտ Հայրապետյան

ՀՔԾ քննիչները Հրայր Թովմասյանի բնակարանը խուզարկելու վերաբերյալ դատարանի որոշումից զատ պետք է ունենային նաև Սահմանադրական դատարանի համապատասխան ակտը, որովհետև Թովմասյանը ՍԴ նախագահ ընտրվել է 2005թ. խմբագրությամբ Սահմանադրության կարգավորումների ժամանակահատվածում: Այս մասին ԱրմՆյուզ հեռուստաընկերության եթերում ասաց իրավաբան Ռոբերտ Հայրապետյանը: Նրա խոսքով՝ պարզից էլ պարզ է, որ կատարվող գործողություններն ակնհայտ քաղաքական ենթատեքստ ունեն և քաղաքական հետապնդման տարրեր են պարունակում: Ես դադարել եմ զարմանալ իշխանության հակաօրինական և հակաիրավական գործողություններից: Օր-օրի նրանք ապացուցում են այդ և ՍԴ-ի գործող կազմից ազատվելու վերաբերյալ գործողությունների հաջորդականությունը չեն դադարում ,- ասաց Հայրապետյանը: Իրավաբանի խոսքով՝ այն գործողությունները, որոնք իրականցվում են ՍԴ դատավորների դեմ՝ օրինական կաշառքի նախագծից մինչև անդամների արտաամուսնական կապերի մասին մտացածին հայտարարություններ, ամբողջը գտնվում է գործող օրենսդրության և առհասարակ իրավական պետության շրջանակից ու գաղափարից դուրս: ՍԴ գործող կազմից ազատվելը քաղաքական իշխանության թիվ մեկ քաղաքական օրախնդիրն է, քանի որ ՍԴ քննության առարկա են դառնում բազմաթիվ հարցեր, որոնք գործող իշխանության քաղաքական օրակարգում են, և ունենալ անկախ ՍԴ՝ իշխանությանը ձեռնտու չէ: Նրանք ցանկանում են ունենալ ՍԴ, որը կկայացնի որոշումներ, որոնք բխում են ոչ թե Սահմանադրությունից, այլև գործող իշխանության քաղաքական կամքից, իսկ ՍԴ այս կազմը, բացառությամբ Վահե Գրիգորյանից, պայքարում է իրավական պետության հիմքերն անսասան պահելու համար ,- ընդգծեց նա:

Related news

Latest News
Hashtags:   

գործող

 | 

կազմից

 | 

ազատվելն

 | 

իշխանության

 | 

քաղաքական

 | 

օրախնդիրն

 | 

Ռոբերտ

 | 

Հայրապետյան

 | 
Most Popular (6 hours)

Most Popular (24 hours)

Most Popular (a week)

Sources