Tuesday 18 February 2020
Home      All news      Contact us      English
azatutyun - 25 days ago

ՍԴ նախագահի խոսքով, իրավապահներն իր տանը սեփականության վկայականներ են փնտրել, բայց ոչինչ չեն գտել

Իր բնակարանում մի քանի ժամ տևած խուզարկությունից հետո Սահմանադրական դատարանի նախագահ Հրայր Թովմասյանը լրագրողների հետ զրույցում հայտարարեց, թե օրվա իշխանությունները խնդիր ունեն արագ ձերբազատվելու իրենից, և այն, ինչ տեղի է ունենում այս օրերին Հայաստանում, իր և Սահմանադրական դատարանի շուրջը, հիմնավորում է, որ խնդիրներն իրոք խորքային են։ «Ես սրա համար միայն ցավ եմ ապրում, որովհետև իմ համար Հրայր Թովմասյանի խնդիրը այս պարագայում երկրորդական-երրորդական է։ Շատ ավելի կարևոր է ինձ համար երկրի հեղինակությունը, երկրի վաղվա օրը։ Չի կարելի տարիներով հավաքած հեղինակությունը այդքան արագ մսխել», - հավելեց Թովմասյանը։ Իրավապահները խուզարկությունն իրականացնում էին այն գործի շրջանակներում, որով Հրայր Թովմասյանը մեղադրյալ է։ Հատուկ քննչական ծառայությունը դեկտեմբերին նրան «պաշտոնեական լիազորությունները չարաշահելու մեղադրանք է առաջադրել: Ըստ դատախազության, քրեական գործը վերաբերում է Թովմասյանի արդարադատության նախարար եղած ժամանակահատվածում երկու դրվագով առերևույթ պաշտոնեական լիազորությունների չարաշահմանը: Իրավապահները պնդում են, որ Թովմասյանը «իր հետ քավոր-սանիկական փոխհարաբերությունների մեջ գտնվող անձի հետ հանցակցությամբ» օգտագործելով 2 նոտարների իրենից ունեցած կախյալ վիճակը՝ 2013 թվականի հոկտեմբերին վերջիններիս հետ ձեռք է բերել նրանց համար ակնհայտ ոչ շահավետ գնով տարածքը վարձակալությամբ հանձնելու պայմանավորվածություն: Արդյունքում ՍԴ ներկայիս նախագահը այդ երկու նոտարներից յուրաքանչյուրից մինչև 2014 թվականի ապրիլը ամսական ստացել է 800 հազար դրամ վարձավճար՝ ընդհանուր 11 միլիոն 200 հազար դրամ: Սանիկը, որին հիշատակում է դատախազությունը, Արդարադատության նախարարության նախկին պաշտոնյա Նորայր Փանոսյանն է։ Նրան ևս նույն մեղադրանքն է առաջադրվել: Քրեական գործի երկրորդ դրվագով 2012 թվականի փետրվարին Թովմասյանը աշխատանքից ազատելու սպառնալիքով միջամտել է Նոտարական պալատի կառավարմանը և հարկադրել է պալատի նախագահին իր որոշած պայմաններով ու վարձավճարի չափով նոտարական պալատի համար վարձակալել փաստացի իրեն պատկանող անշարժ գույքը: Արդյունքում Թովմասյանը մինչև վարձակալության պայմանագրի լուծումը նոտարական պալատից ստացել է ավելի քան 10 մլն դրամ վարձավճար, իսկ փաստացի Թովմասյանին պատկանող տարածքում նոտարական պալատի բյուջեից վերանորոգման համար ծախսվել է մոտ 2,5 մլն դրամ: Թովմասյանն ասաց, որ իրավապահներն իր տանը փնտրում էին ինչ-որ սեփականության վկայականներ, սակայն ոչինչ չեն գտել և ոչինչ չեն առգրավվել։ Առավոտյան Թովմասյանի փաստաբանները պնդում էին, որ խուզարկությունը սկսվել և իրականացվել է իրավունքի խախտումներով, և որ իրենք, ինչպես նաև Հրայր Թովմասյանը բնակարանում խուզարկություն իրականացնելու թույլտվության վերաբերյալ դատարանի որոշմանը չեն ծանոթացել: Պաշտպանական թիմին նաև չի տրվել դատարանի որոշման պատճենը։ Հատուկ քննչական ծառայությունը, մինչդեռ, շտապեց հայտարարել, որ դա «ակնհայտ ապատեղեկատվություն է». - «Հարկ ենք համարում տեղեկացնել, որ քննիչի կողմից խուզարկությանը մասնակցող անձանց, այդ թվում պաշտպանական թիմին հնարավորություն է տրվել քրեադատավարական օրենքով սահմանված կարգով ծանոթանալ որոշմանը»։

Related news

Latest News
Hashtags:   

նախագահի

 | 

խոսքով

 | 

իրավապահներն

 | 

սեփականության

 | 

վկայականներ

 | 

փնտրել

 | 

ոչինչ

 | 
Most Popular (6 hours)

Most Popular (24 hours)

Most Popular (a week)

Sources