Tuesday 18 February 2020
Home      All news      Contact us      English
azatutyun - 25 days ago

«Էրեբունի Պլազա»-ում վնասազերծված և ձերբակալված անձը ցուցմունք չի տվել առանց փաստաբանի

Քննչական կոմիտեի մամուլի խոսնակ Նաիրա Հարությունյանն այսօր «Ազատությանը» փոխանցեց, որ երեկ «Էրեբունի պլազայում» կրակոցներ հնչեցրած երիտասարդը հրաժարվել է ցուցմունք տալուց՝ ասելով, որ դա կանի միայն փաստաբանի ներակայությամբ։ Արդեն հանրային պաշտան է ներգրավվել։ Ըստ խոսնակի, երիտասարդը երեկ 2 կրակոց է արձակել «Էրեբունի պլազայի» տարածքում։ Այս պահին 33-ամյա Արթուր Թորոսյանը հարուցված քրեական գործով կասկածյալի կարգավիճակ ունի։ Հարուցված գործով դեռ որևէ անձ չի հարցաքննվել։ Իսկ թե ինչն էր դրդել երիտասարդին նման քայլի դիմել կամ ինչ պահանջներ էր նա ներկայացնում, դեռ չեն պարզաբանում: Երեկ վնասազերծումից հետո Արտաշատի բնակիչը ձերբակալվել էր։ Քրեական գործը հարուցվել է քրեական օրենսգրքի 3 հոդվածներով՝ կյանքի կամ առողջության համար վտանգավոր բռնություն գործադրելով, զենք կամ որպես զենք օգտագործվող առարկաներ գործադրելով, երկու և ավելի անձանց պատանդ վերցնելու, ապօրինի կերպով հրազեն ձեռք բերելու, փոխադրելու, ինչպես նաև հրկիզման, պայթյունի կամ հանրավտանգ այլ եղանակով գույքը դիտավորությամբ ոչնչացնելու կամ վնասելու հատկանիշներով: Երիտասարդի մորաքույրն ու ծանոթները զարմացած են տեղի ունեցածից, դեռ չեն հավատում, որ Արթուրը կարող էր նման քայլի գնալ. -  «Մենք ոչ մի բան չգիտենք, չգիտենք ինչ է կատարվել իր հետ։ Ինքը Կառավարման ակադեմիայում է սովորում... Հանելուկ է մեր համար», - ասաց նրա մորաքույրը։ «Մինչև հիմա ոչ հավատում ենք, ոչ էլ պատկերացնում ենք, որ կարող է ինքը լինի։ Անգամ հեռուստացույցով նայում էինք, էլի չէինք հավատում։ Ասում էինք՝ Արթուրը չի։ Նման բան իրանից ոչ մեկ չէր սպասում», - հավելեց երիտասարդի ծանոթներից մեկը։ Հիշեցնենք, որ երեկ՝ ոստիկանությունն ժամը 14.40-ին, ​ահազանգ էր ստացել, որ «Էրեբունի Պլազայում» զինված անձ կա։ Ոստիկանությունից «Ազատությանը» հայտնել էին, որ դեպքի վայր են մեկնել օպերատիվ խմբեր: Զինված տղամարդու հետ բանակցություններ էր վարել անձամբ ոստիկանապետի պաշտոնակատար Արման Սարգսյանը: Բանակցությունների արդյունքում անձը հանձնել է հրազենը, ապա տեղափոխվել ոստիկանություն:

Related news

Latest News
Hashtags:   

Էրեբունի

 | 

Պլազա

 | 

վնասազերծված

 | 

ձերբակալված

 | 

ցուցմունք

 | 

առանց

 | 

փաստաբանի

 | 
Most Popular (6 hours)

Most Popular (24 hours)

Most Popular (a week)

Sources