Saturday 22 February 2020
Home      All news      Contact us      English
tert.am - 29 days ago

Տեղի ունեցածը մասնագիտական գործունեությունը խոչընդոտելու փորձ է․ Արթուր Վանեցյանի պաշտպանների հայտարարությունից հետո նրանցից մեկի էլփոստ անհասանելի է դարձել

ԱԱԾ նախկին տնօրեն Արթուր Վանեցյանի պաշտպաններ Լուսինե Սահակյանն ու Արամազդ Կիվիրյանը հայտարարություն են տարածել՝ նշելով, որ երեկ, այն բանից հետո, երբ հանրայնացվեց, որ իրենք Վանեցյանի պաշտպաններն են, Արամազդ Կիվիրյանի էլեկտրոնային փոստը կոտրելու միջոցառումներ են իրականացվել։ Պաշտպանների հայտարարությունը ներկայացնում ենք ստորև Երեկ՝ 2020 թվականի հունվարի 23-ին, ժամը 14.30-ին ֆեյսբուկ սոցիալական ցանցի միջոցով հանրայնացվեց տեղեկությունն այն մասին, որ մենք հանդիսանում ենք ՀՀ ԱԱԾ նախկին տնօրեն Արթուր Վանեցյանի ներկայացուցիչները: Մասնավորապես հրապարակային կարգով ներկայացրեցինք armtimes .com կայքում 12.01.2020թ. հրապարակված հոդվածում ներկայացված ստահոդ տեղեկությունները հերքելու պահանջը: Կարճ ժամանակ անց, փաստաբան Արամազդ Կիվիրյանի էլեկտրոնային փոստը կոտրելուն ուղղված միջոցառումներ սկսվեցին: Այդ փոստը, որը փոխկապակցված էր նրա՝ ֆեյսբուկ սոցիալական ցանցի էջի հետ: Տեղի ունեցածի վերաբերյալ Gmail ցանցից համապատասխան հաղորդագրություն ստանալուց հետո, էլեկտրոնային փոստն արդեն դարձավ Ա.Կիվիրյանի համար անհասանելի:
Տեղի ունեցածն աննախադեպ խայտառակություն է, ոտնձգություն է ոչ միայն քաղաքացու՝ ՄԻԵԿ 8-րդ հոդվածով պաշտպանվող իրավունքների, անձնական կյանքի գաղտնիության իրավունքի հանդեպ, այլ նաև ուղիղ հարված է օրենքով պաշտպանված փաստաբանական գաղտնիքին: Նման պայմաններում կարող ենք համարել, որ Հայաստանում այսօր առհասարակ վտանգված է փաստաբանական գործունեությունը: Տեղի ունեցածի լույսի ներքո, հայտարարում ենք, որ մասնագիտական մեր գործունեությունը խոչընդոտելու որևէ փորձ երբեք հաջողությամբ չի պսակվել, այսուհետ ևս նման քայլեր կատարողների բոլոր ջանքերն անցնելու են ապարդյուն: Այս քայլերի հեղինակներին ու նրանց ապօրինի հրամաններ տվողներին հիշեցնում ենք, որ նման գործելաոճը հանցավոր է, անխուսափելիորեն հանգեցնելու է քրեական պատասխանատվության: Կոչ ենք անում այդ անձանց չտրվել այժմեական գայթակղությունների, սթափվել, վերադառնալ օրենքի ու իրավունքի դաշտ: Մարդու իրավունքները գերագույն արժեք են, որոնք պետք է սրբորեն պաշտպանվեն, իսկ այդ իրավունքներով օժտված են անխտիր բոլորն ու ոչ ոք ապահովագրված չէ, որ ապագայում հարկ կարող է լինել պաշտպանելու հատկապես իր իրավունքները :

Related news

Latest News
Hashtags:   

ունեցածը

 | 

մասնագիտական

 | 

գործունեությունը

 | 

խոչընդոտելու

 | 

Արթուր

 | 

Վանեցյանի

 | 

պաշտպանների

 | 

հայտարարությունից

 | 

նրանցից

 | 

էլփոստ

 | 

անհասանելի

 | 

դարձել

 | 
Most Popular (6 hours)

Most Popular (24 hours)

Most Popular (a week)

Sources